Kiraŭnik MUS Polščy vyklučyŭ adkryćcio punktaŭ propusku da źmieny palityki biełaruskich uładaŭ
Ministr unutranych spraŭ i administracyi Polščy Tomaš Siemoniak vyklučaje adkryćcio punktaŭ propusku na miažy ź Biełaruśsiu da źmieny palityki Minska i spynieńnia mihracyjnaha cisku. Pra heta jon zajaviŭ u subotu ranicaj padčas vizitu ŭ Babroŭniki, dzie raźmieščany adzin z zakrytych punktaŭ, piša Reform.news.
Siemoniak pryznaŭ, što zakryćcio punktaŭ propusku [na biełaruska-polskaj miažy dziejničaje adzin punkt propusku dla lehkavoha transpartu i aŭtobusaŭ i asobny dla hruzavoha — NN] akazvaje niehatyŭny ŭpłyŭ na sacyjalnaje i ekanamičnaje žyćcio pamiežnych rehijonaŭ. Jon adznačyŭ, što kiraŭnictva Padlaskaha vajavodstva pry ŭdziele ministerstvaŭ raspracoŭvaje roznyja kroki dla padtrymki miascovych pradprymalnikaŭ. Adnak, pavodle jaho słoŭ, adkaz lažyć u polska-biełaruskich adnosinach.
«Pakul Biełaruś budzie pavodzić siabie tak u dačynieńni da polskaj dziaržavy, nie baču mahčymaści, kab niešta ŭ hetaj śfiery źmianiłasia. My b chacieli, žadali b, kab hetyja pierachody byli adkrytyja, kab funkcyjanavali narmalna. Ale jak pahadzicca z tym, što ź biełaruskaha boku my majem spravu z vykarystańniem mihrantaŭ, rezanansnymi situacyjami, niadaŭna, kali słužboviec u formie kidaje kamiani ŭ našych pamiežnikaŭ, u našy mašyny», — skazaŭ ministr.
Jon padkreśliŭ, što ni ŭ kaho niama iluzij, što mihracyjny kryzis arhanizavany i padtrymlivajecca Minskam. Pavodle jaho słoŭ, na hetym zarablajuć i kantrabandysty. Ministr adznačyŭ, što sioleta ŭžo było zatrymana bolš za sto čałaviek, datyčnych da kantrabandy ludziej.
«Kali Biełaruś zachoča źmianić svaju palityku, viadoma, my budziem vystupać za narmalizacyju hetych adnosin. Siońnia ničoha nie śviedčyć pra heta, nie kažučy ŭžo pra znachodžańnie ŭ źniavoleńni Andžeja Pačobuta — prajšło ŭžo piać hadoŭ. Pakul z boku Biełarusi nie budzie źmieniena palityka, my budziem nadziejna achoŭvać našu miažu, i biaśpieka budzie pryjarytetam», — skazaŭ jon.
-
«Dudzia hladzieŭ? A Dudź — špijon». Biełarusy raskazali, jak ciapier prachodziać pravierki telefonaŭ i apytańni na miažy
-
«Mnie litoŭcy skazali nie śviacicca, tamu što śpiecsłužby šukajuć, jak padabracca». Franak Viačorka pra pahrozy
-
U Barysavie vydzialajuć bolš čym miljon dalaraŭ na «adradžeńnie jaŭrejskich tradycyj»
Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie26
Kamientary
Tamu chočacca nahadać, što padobnaje staŭleńnie da režymu faktyčna robić saŭdzielnikami, bo publična prasoŭvaje pohlad i terminałohiju chunty, čym dapamahaje vydavać jaho za niešta biełaruskaje ci aficyjnaj dy lehitymizuje režym. I z hetkim razumieńniem prablemy dy ŭłasnaha stanu ničoha dobraha ŭ ahladnaj budučyni nas nie čakaje.
Žyvie Biełaruś.
Słava Ŭkrainie.
"Biełaruski režym" mienavita biełaruski, bo nie z Marsa prylacieŭ, a tut ŭzhadavaŭsia, i tut siadzić.
U 1994-m sami vybrali, zachacieli lohkich rašeńniaŭ.
I tak toj režym tut uśsieŭ, što i śpichnuć nie prosta.
Nu... My tut, kaniešnie, nibyta raźbirajemsia ŭ hatunkaŭ našaha hnoju, ale dla zamiežnikaŭ jon taksama biełaruski, bo dziejničaje ad imia Respubliki Biełaruś.
zachop ułady Łukašenkam adbyŭsia nie ŭ 2020 hodzie, a ŭ 1995-1996 (siłavy zachop parłamienta, niezakonny refierendum, zachop CVK). U 2020 hramadstvu ŭsiaho było tolki prademanstravana, što ŭłada zachoplena, i nakolki jana zachoplena.
Pakolki ŭłada zachoplena, usie jajnyja dziejańni, pačynajučy z 1995-96 hoda, niezakonnyja. Heta datyčycca i "vybaraŭ 2020", jakija nie adpaviadali nijakim standartam i nie mahli być pryznačany apryjory. Adpaviedna, zakonnuju ŭładu tam nie abirali.
Adpaviedna, i Cichanoŭskaja - nie ŭłada.
Ale voś demakratyčny ruch chaj sabie pradstaŭlaje. I paćviardžaje słova "demakratyčny" pieryjadyčnym pieraabrańniem - chacia b ad šyrokaha schodu demsiłaŭ za miažoj. Inakš pryčym tut demakratyja?
Usio vyšejskazanaje nie admianiaje toje, što rašeńnie palakaŭ ab zakryćci pierachodaŭ - bzdura i pamyłka, jakaja pracuje tolki na Łukašenku. Jon ščyra plaskaje im u ładki i chacieŭ by, kab jany pierakryli i apošni adkryty punkt taksama.