Pad Žodzinam budujuć pryjomnik dla fiekalij ź Minska. Miascovyja suprać, ale pratestavać im nie dajuć

Usiaho za siem kiłamietraŭ ad Žodzina, pobač ź vioskaj Vostraŭ, nie pytajučysia miascovych žycharoŭ pačali budaŭnictva sažałki-nazapašvalnika dla kanalizacyjnych adkidaŭ ź Minska, piša Ex-press.live. Ludzi aburylisia i patrabujuć pravieści hramadskaje abmierkavańnie prajekta, ale ŭłady sproby arhanizavacca žorstka pierapyniajuć. 

Na miescy budaŭnictva. Skrynšot ź videa

U Smalavickim rajonie, niepadalok ad Žodzina, paskoranymi tempami viadziecca budaŭnictva sažałki-nazapašvalnika №19. Heta abjekt, kudy płanujecca štodnia vyvozić adkidy ź minskich ačyščalnych kanalizacyjnych zbudavańniaŭ. Heta techničny abjekt, ad jakoha, pa słovach miascovych žycharoŭ, budzie nievynosna śmiardzieć.

Pra płany ŭładaŭ ludzi daviedalisia vypadkova. Ich tryvožyć, što nie było nijakich hramadskich abmierkavańniaŭ i ich prosta pastavili pierad faktam.

@alexeidomoracki #biełaruś #riekomiendacii #strojka #žodino #ekołohija ♬ orihinalnyj zvuk - Aleksiej Domorackij

Pry hetym da mikrarajona «Kavalski» ŭ Žodzinie ad miesca budaŭnictva — 5,4 km, da balnicy (12-y mikrarajon) — 6 km, da vodazaboru «Paŭnočny», adkul žychary Žodzina atrymlivajuć pitnuju vadu, — kala 5 km. Da śvidravin, jakija siłkujuć rajon, — 4 km. A pobač z budplacoŭkaj, za 500 mietraŭ, ciače rečka Brodnia, jakaja ŭpadaje ŭ Biarezinu.

@alexeidomoracki #riekomiendacii #ekołohija #biełaruś #žodino ♬ orihinalnyj zvuk - Aleksiej Domorackij

Abjekt z nazvaj «Sažałka-19» raniej chacieli pabudavać u Puchavičach i ŭ Maładziečnie. Tam miascovyja žychary ŭrešcie zmahli adstajać svajo prava dychać čystym pavietram. Ale ŭ žycharoŭ Žodzina, padobna, šancaŭ na heta značna mienš, piša Ex-press.live.

Haradžanie stvaryli telehram-čat i pačali źbirać podpisy suprać budaŭnictva. Ludzi prychodzili ŭ kramy, stavili podpisy, abmiarkoŭvali, jak jašče možna paŭpłyvać.

Ale jak tolki pajšoŭ zbor podpisaŭ, u praces umiašalisia siłaviki.

Pajšli zahady źvierchu pa kramach: spynić zbor podpisaŭ. Na Stadziedaŭski rynak u Žodzinie pryjechała milicyja i kanfiskavała ŭsie błanki. Telehram-čat, dzie viałosia abmierkavańnie i da jakoha paśpieli dałučycca bolš čym 1500 čałaviek, byŭ zakryty, a paviedamleńni ŭ im — vydalenyja. 

Kamientary da artykuła