Pamior rasijski skulptar Zurab Cereteli
Jamu byŭ 91 hod.
Pamior Zurab Cereteli. Pra śmierć mastaka paviedamlaje «Interfaks» sa spasyłkaj na jaho pamočnika.
Jon byŭ aŭtaram bolš za 5000 tvoraŭ žyvapisu, hrafiki, skulptury, manumientalna-dekaratyŭnaha mastactva (freski, mazaiki, pano) i inš. Jak mastak-manumientalist aformiŭ šerah bujnych ustanoŭ, siarod jakich Leninski miemaryjał va Uljanaŭsku, kurortny haradok u Adlery, park «Ryŭjera» ŭ Sočy, Pałac prafsajuzaŭ u Tbilisi, Novaja scena Vialikaha teatra ŭ Maskvie i inš.; jak skulptar stvaryŭ mnostva manumientaŭ, siarod ich «Družba nazaŭždy» ŭ Maskvie, «Dabro pieramahaje zło» pierad budynkam AAN u Ńju-Jorku, «Naradžeńnie novaha čałavieka» ŭ Sievilji, «Razburyć ścianu niedavieru» ŭ Łondanie, Pomnik Zoi Kosmadziamjanskaj u Ruzie dy inš.