Ułady Łatvii abaviažuć biełarusaŭ paviedamlać pra ŭjezd u krainu z terytoryi Šenhienskaj zony
Ułady Łatvii abaviažuć hramadzian Rasii i Biełarusi paviedamlać pra ŭjezd u krainu z terytoryi Šenhienskaj zony. Pra heta zajaviŭ ministr unutranych spraŭ Łatvii Rychard Kazłoŭskis, paviedamlaje teleradyjo LSM.
«Ujazdžajučy praz Šenhienskuju zonu [ŭ Łatviju], hramadzianie Rasii i Biełarusi buduć abaviazany zapoŭnić zajavu pra svajo znachodžańnie ŭ Łatvii», — skazaŭ jon.
Kiraŭnik MUS adznačyŭ, što kolkaść vydadzienych hramadzianam RF šenhienskich turystyčnych viz u 2024 hodzie vyrasła ŭ paraŭnańni z 2023-m, što «vyklikaje tryvohu» ŭ Ryhi.
«Na moj pohlad, heta pahroza ŭnutranaj biaśpiecy [Łatvii]», — dadaŭ Kazłoŭskis.