Z 1 maja pavialičacca dapamohi pa dohladzie za dziećmi

Ministerstva pracy i sacyjalnaj abarony paviedamiła, što z 1 maja pa 31 lipienia 2025 hoda ŭ Biełarusi vyrastuć pamiery dapamoh, źviazanych z naradžeńniem i vychavańniem dziaciej.

Adnarazovaja dapamoha pry naradžeńni pieršaha dziciaci składzie 4625,8 rubla — heta 10 biudžetaŭ pražytkovaha minimumu (BPM).

Pry naradžeńni druhoha i nastupnych dziaciej suma budzie 6476,12 rubla, abo 14 BPM.

Taksama žančyny, jakija stali na ŭlik u miedycynskich ustanovach da 12 tydniaŭ ciažarnaści, atrymajuć adnačasovuju dapamohu ŭ 462,58 rubla (100% BPM).

Štomiesiačnaja dapamoha siemjam, dzie vychoŭvajecca dzicia da 3 hadoŭ, a taksama jość dzieci va ŭzroście ad 3 da 18 hadoŭ, składzie 231,29 rubla (50% BPM).

Dla asobnych katehoryj siemjaŭ:

• Dzieci starejšyja za 3 hady — 231,29 rubla (50% BPM)

• Dzieci-invalidy starejšyja za 3 hady — 323,81 rubla (70% BPM)

Što tyčycca dapamoh pa dohladzie za dziećmi-invalidami da 18 hadoŭ:

• Z I i II stupieńniu straty zdaroŭja — da 18 hadoŭ — 462,58 rubla (100% BPM)

• Z III i IV stupieńniu straty zdaroŭja — da 3 hadoŭ — taksama 462,58 rubla

• Z III i IV stupieńniu straty zdaroŭja — paśla 3 hadoŭ — 555,1 rubla (120% BPM)

Akramia taho, štomiesiačnaja dapamoha dla dziaciej ź VIČ-infiekcyjaj da 18 hadoŭ składzie 323,81 rubla.

Kamientary da artykuła