U Vilni prajšoŭ «Čarnobylski šlach» z udziełam ukraincaŭ i litoŭcaŭ
Biełarusy ŭ niadzielu ŭ Vilni razam z ukraincami, litoŭcami i pradstaŭnikami mižnarodnych arhanizacyj ušanavali pamiać achviar Čarnobylskaj katastrofy i zaklikali da biaźjadziernaj budučyni.
Usie fota: viacorka / Telegram
U niadzielu, 27 krasavika, na płoščy Kudzirki ŭ Vilni adbyŭsia mitynh u miežach akcyi «Čarnobylski šlach-2025». Akcyju pačali z vykanańnia himnaŭ Biełarusi, Ukrainy i Litvy, padkreślivajučy salidarnaść narodaŭ u zmahańni za mirnuju i biaśpiečnuju budučyniu, napisaŭ palityk Franak Viačorka.
Udzielniki ŭšanavali pamiać achviar Čarnobylskaj katastrofy, vystupili suprać raźmiaščeńnia jadziernaj zbroi ŭ Biełarusi, zaklikali da paetapnaha vyvadu z ekspłuatacyi BiełAES i vykazali salidarnaść z ukrainskim narodam, jaki adčuvaje jadziernuju pahrozu padčas vajny.
Paśla aficyjnaj častki adbyŭsia antyjadzierny rovarny prabieh, udzielniki źviartali ŭvahu minakoŭ na niebiaśpieku jadziernych pahroz u našym rehijonie.