Na Palinu Šarendu-Panasiuk zaviali dźvie kryminalnyja spravy
Pra heta paviedamiŭ jaje muž Andrej Šarenda.
Palina Šarenda-Panasiuk. Skryn videa: malina_by / YouTube
«Učora stała viadoma, što suprać majoj žonki Paliny Šarendy-Panasiuk łukašysty zaviali novyja kryminalnyja spravy pa art. 422 i 361 (uchileńnie ad nahladu i zakliki da sankcyj»). Taksama adbylisia dopyty rodnych Paliny», — napisaŭ Andrej u svaim fejsbuku.
Nahadajem, što Palina Šarenda-Panasiuk vyjšła na volu ŭ lutym 2025 hoda paśla čatyroch hadoŭ źniavoleńnia. Jana była aryštavanaja ŭ pačatku studzienia 2021 hoda i pieršapačatkova asudžanaja na dva hady, ale potym joj dvojčy dadavali pa hodu źniavoleńnia, a zatym niekalki miesiacaŭ trymali ŭ SIZA. Pa vyzvaleńni jana vyjechała ź Biełarusi.