«Biełpoł» zdabyŭ źviestki pra realnuju śmiarotnaść ad kavidu ŭ adnoj ź biełaruskich abłaściej

Arhanizacyja «Biełpoł» atrymała statystyčnyja danyja ab naradžalnaści i śmiarotnaści ŭ Hrodzienskaj vobłaści za 1991—2024 hady. Hetyja ličby śviedčać, što ŭłady šmatrazova zanižali sapraŭdnuju kolkaść śmierciaŭ ad COVID-19 u Biełarusi.

Fota ilustracyjnaje

U 2015—2019 hadach siaredni pakazčyk śmiarotnaści ŭ vobłaści byŭ stabilnym — 13,9 ‰. Ale z pačatkam pandemii (z krasavika 2020 da lipienia 2022) śmiarotnaść značna ŭzrasła:

• 2020 hod: 17,2‰ (+23,7%, abo 3385 «lišnich» śmierciaŭ)

• 2021 hod: 19,4‰ (+39,6%, abo 5599 śmierciaŭ)

• 2022 hod: 14,8‰ (+6,5%, abo 906 śmierciaŭ)

Usiaho za try hady ŭ Hrodzienskaj vobłaści pamierła na 9890 čałaviek bolš, čym było b u zvyčajnych umovach. Dla paraŭnańnia, pa aficyjnych danych Ministerstva achovy zdaroŭja, va ŭsioj Biełarusi ad COVID-19 pamierła tolki 7118 čałaviek.

Paralelna ŭ vobłaści nazirajecca istotnaje źnižeńnie naradžalnaści. Z 2017 hoda jana pastajanna padaje i ŭ 2024 hodzie skaraciłasia ŭdvaja ŭ paraŭnańni z 2016 — z 13,2‰ da 6,6‰. 

U vyniku pa stanie na 1 studzienia 2025 hoda kolkaść nasielnictva Hrodzienskaj vobłaści apuściłasia nižej za 1 miljon čałaviek — 984 880, što źjaŭlajecca najmienšaj kolkaściu z 1960 hoda.

Kamientary da artykuła