Jakija karysnyja vykapni jość va Ukrainie?

Ukraina padpisała pahadnieńnia ab pryrodnych resursach z ZŠA. Adznačajecca, što ŭ vyniku atrymałasia sfarmavać takuju viersiju dakumienta, jakaja praduhledžvaje ŭzajemavyhadnyja ŭmovy dla abiedźviuch dziaržaŭ. Jakija redkija resursy jość na terytoryi Ukrainy?

Zavałaŭski hrafitavy kambinat — ukrainskaje pradpryjemstva, jakoje śpiecyjalizujecca na zdabyčy hrafitavaj rudy i jaje pierapracoŭcy dla pramysłovych patreb, u pasiołku Zavalla Kiravahradskaj vobłaści, Ukraina, 28 lutaha 2025 hoda. Fota: Arsien Dzodzajeŭ / Anadolu praz Getty Images

Pavodle acenak Kijeva, na terytoryi Ukrainy znachodzicca kala 5% suśvietnych zapasaŭ krytyčna važnaj syraviny, piša Bi-bi-si.

U tym liku kala 19 miljonaŭ ton dakazanych zapasaŭ hrafitu, što, jak ličać u Kijevie, robić Ukrainu adnym ź piaci viadučych pastaŭščykoŭ hetaha minierału. Hrafit vykarystoŭvajecca dla vytvorčaści batarej dla elektramabilaŭ.

Va Ukrainie skancentravana 7% jeŭrapiejskich zapasaŭ tytanu, jaki šyroka vykarystoŭvajecca ŭ budaŭnictvie — ad samalotaŭ da elektrastancyj. Tut taksama znachodzicca tracina ŭsich jeŭrapiejskich radoviščaŭ lityju — klučavoha kampanienta sučasnych akumulataraŭ.

Siarod inšych resursaŭ, znojdzienych va Ukrainie, — bierylij i ŭran, nieabchodnyja dla stvareńnia jadziernaj zbroi i reaktaraŭ. Taksama prysutničajuć bujnyja radoviščy miedzi, śvincu, cynku, srebra, nikielu, kobaltu i marhancu.

Akramia taho, va Ukrainie jość značnyja radoviščy redkaziamielnych mietałaŭ. Heta hrupa z 17 elemientaŭ, jakija vykarystoŭvajucca dla vytvorčaści zbroi, vietranych turbin, elektroniki i inšych praduktaŭ.

Niekatoryja z radoviščaŭ znachodziacca na terytoryjach, što kantralujucca Rasijaj.

Kamientary da artykuła