Biełaruskija ŭłady letaś dasłali zapyt na vydaleńnie 50 videa z YouTube. Im admovili

Detali zapytu nieviadomyja.

Kolkaść zapytaŭ na vydaleńnie kantentu ź Biełarusi. Skrynšot sa spravazdačy Google

Google vypuściŭ štohadovuju spravazdaču, u jakoj raskazvaje, kolki zapytaŭ jon atrymaŭ na vydaleńnie kantentu i jakoje pryniaŭ rašeńnie.

Za 2024 hod jon atrymaŭ 7 zapytaŭ na vydaleńnie kantentu ź Biełarusi — usiaho 58 adzinak kantentu. Ź ich 56 — heta videa na jutubie, adzin — veb-pošuku i jašče adzin nie nazvany.

Dva zvaroty byli ad nienazvanaha dziaržaŭnaha orhana. Adzin ź ich — na vydaleńnie 51 videa ź jutuba. Pryčyna nie paznačana.

Pa zapycie im admovili. Heta bačna, kali adsartavać zapyty pa adpraŭnikach za druhoje paŭhodździe i abrać «dziaržaŭnyja słužbovyja asoby».

Admova Google ad vydaleńnia videa. Skrynšot sa spravazdačy Google

Na sajcie pryvodziacca vybranyja kiejsy, pa jakich prymaŭ rašeńnie Google. Siarod kiejsaŭ jość adzin za 2020 hod — tady Ministerstva infarmacyi padało pazoŭ na vydaleńnie videa z «ekstremisckimi materyjałami». Google admoviŭ, bo nijakich «ekstremisckich materyjałaŭ» u videa nie adšukaŭ.

Adzin z kiejsaŭ, jakija apublikavaŭ Google

Kali mierkavać pa źviestkach Google, to paśla žniŭnia 2020-ha nivodny zapyt ad dziaržaŭnych struktur Biełarusi nie byŭ uchvaleny (za pieryjad da 2019-ha niama detalnaj statystyki, tamu mierkavać ciažka).

Kamientary da artykuła