Śviet33

Rasijskija ŭłady ŭ 2024 hodzie zapatrabavali ad Google vydalić rekordnuju kolkaść kantentu

Amal 95% kantentu, jaki chacieli vydalić rasijskija ŭłady, — spasyłki ŭ pošukavaj vydačy Google. Raskamnahlad adpraviŭ 71 zapyt, kab z YouTube vidalili videa pra akcyju paplečnikaŭ Navalnaha.

Rasijskija ŭłady ŭ 2024 hodzie zapatrabavali ad Google vydalić rekordnyja 784 tysiačy adzinak kantentu, paviedamlaje «Viorstka».

U 2024 hodzie kolkaść kantentu na płatformach Google, vydaleńnia jakoha patrabavali rasijskija ŭłady, vyrasła na 20% — da 784 tysiač adzinak, havorycca ŭ spravazdačy ab prazrystaści Google. Hety pakazčyk akazaŭsia rekordnym z 2009 hoda, ź jakoha dastupnaja statystyka.

U cełym, kolkaść kantentu, vydaleńnia jakoha patrabujuć rasijskija ŭłady, štohod pavialičvajecca ŭžo čatyrnaccać hadoŭ zapar. Tolki za try hady paśla poŭnamaštabnaha ŭvarvańnia va Ukrainu abjom takoha kantentu vyras amal u dva razy — u 2021 hodzie Google atrymaŭ zapyty na vydaleńnie tolki 393,7 tysiačy adzinak kantentu.

Amal 95% kantentu (741,7 tysiačy adzinak), vydaleńnia jakoha chacieli ŭłady ŭ 2024 hodzie, ujaŭlajuć saboj spasyłki ŭ pošukavaj vydačy Google. A roŭna 5% (39,2 tysiačy adzinak) prypadajuć na roliki na YouTube.

24,6 tysiačy adzinak kantentu rasijskija ŭłady patrabavali vydalić, pakolki, na ich dumku, jon zakranaje nacyjanalnuju biaśpieku, 1,4 tysiačy adzinak — bo ŭtrymlivaje prapahandu suicydu, 17,5 tysiačy adzinak — z-za parušeńnia aŭtarskich pravoŭ, jašče 2,5 tysiačy — z-za «ŭžyvańnia narkotykaŭ».

Za hod Google razhledzieŭ zapyty pa amal 56 tysiačach adzinak kantentu, ź jakich u vyniku było vydalena krychu bolš za 30 tysiač. Tak, 29,4 tysiačy byli vydaleny «pa patrabavańni zakona», jašče 620 — «za parušeńnie praviłaŭ». U dačynieńni da 17,2 tysiač adzinak kantentu zapyt byŭ adchileny.

Kab prademanstravać «raznastajnaść vystaŭlenych patrabavańniaŭ», Google raskryŭ niekalki atrymanych u 2024 hodzie zapytaŭ. U pryvatnaści, kampanija atrymała ad Raskamnahladu 71 zapyt na vydaleńnie z YouTube videa pra akcyju «Poŭdzień suprać Pucina» i jašče adzin zapyt — na vydaleńnie videa z kvadrobierami. U abodvuch vypadkach Google admoviŭsia vydalać videa: u pieršym — tamu što «materyjały ŭjaŭlajuć hramadski intares», u druhim — pakolki videa «nie parušaje praviły supolnaści».

Nahadajem, što Raskamnahlad paśla pačatku poŭnamaštabnaj vajny va Ukrainie staŭ błakavać i biełaruskija niezaležnyja miedyja.

Kamientary3

  • RosKomHo
    01.05.2025
    vno
  • Dumka
    02.05.2025
    A mo zamiest słova "kantent" lepš "źmieściva"?
  • šortn
    02.05.2025
    Miečtať nie vriedno.

Ciapier čytajuć

Kiraŭnik Lidy zaklikaŭ siłavikoŭ nie spyniać palityčnych represij23

Kiraŭnik Lidy zaklikaŭ siłavikoŭ nie spyniać palityčnych represij

Usie naviny →
Usie naviny

Čas dla vialikaha nastupu Rasii: jakimi mohuć być «apošnija 50 dzion vajny»3

Aŭtobus Minsk — Vilnia źjechaŭ u kiuviet u Vałožynskim rajonie

Dla haradžan — pieramoha, dla viaskoŭcaŭ — trahiedyja. Što pakazała dziaržaŭnaje apytańnie pra Druhuju suśvietnuju vajnu23

Achova i dziasiatki ludziej u kamandzie: za što žyvie Ofis Cichanoŭskaj u Vilni?42

Užo ŭ adzinaccać hadoŭ? Va ŭsim śviecie ŭzrost pačatku pieršych miesiačnych praciahvaje maładzieć7

Šmatdzietnaja amierykanskaja siamja ŭciakła ŭ Rasiju ad «ŁHBT-prapahandy». Muž užo trapiŭ na vajnu18

«Takoha jašče nie było». Adbyłasia masiravanaja ataka na Kryvy Roh, Vińnicu, Charkaŭ3

«Vada z druhoha paviercha topić pieršy i traplaje ŭ lifty». Adzin z damoŭ u «Minsk-Śviecie» znoŭ papłyŭ3

Aŭtobus i mikraaŭtobus sutyknulisia ŭ Biarozaŭskim rajonie: 15 čałaviek paciarpieli

bolš čytanych navin
bolš łajkanych navin

Kiraŭnik Lidy zaklikaŭ siłavikoŭ nie spyniać palityčnych represij23

Kiraŭnik Lidy zaklikaŭ siłavikoŭ nie spyniać palityčnych represij

Hałoŭnaje
Usie naviny →

Zaŭvaha:

 

 

 

 

Zakryć Paviedamić