Hihin atakuje Ejdelman za lekcyju pra BNR: Pustoje miesca, poŭny čajnik
Prapahanda nie daravała rasijskamu historyku Tamary Ejdelman jaje lekcyi pa historyi Biełarusi i najpierš pra BNR. Na BT vypuścili pra jaje siužet.
Skrynšot videa BT
Deputat Vadzim Hihin aburyŭsia, što dla svaich lekcyj Ejdelman vykarystoŭvała materyjały «Biełsata».
«Naohuł ja da hetaj spadaryni Ejdelman staŭlusia indyfierentna, jana dla mianie pustoje miesca. (…) U spadaryni Ejdelman ŭsia historyja — hetaja historyja dla čajnikaŭ ad čajnika. Voś jana ŭ historyi poŭny čajnik. U historyi Biełarusi čajnik u kvadracie, moža być i ŭ kubie», — zajaviŭ Hihin.
Jon pierakanany, što historyku zamovili «vyrab a-la historyja Biełarusi». U siužecie taksama sprabujuć źvieści na ništo rolu BNR.
«Usia hetaja historyja — heta, miakka kažučy, takaja situacyja, dzie niama čym hanarycca», — vykazaŭsia Hihin pra BNR.
Imavierna, takuju reakcyju prapahandystaŭ vyklikała papularnaść lekcyj Ejdelman. Jaje roliki pra historyju Biełarusi sabrali ad 157 tysiač da 494 tysiač prahladaŭ.
{DONATE_PAYPAL}
Čytajcie taksama:
Ejdelman raskazała, jak rašyła zapisvać lekcyi pa historyi Biełarusi
Tamara Ejdelman vypuściła pieršuju lekcyju pa historyi Biełarusi. Pačałosia ź niepryjemnaha kazusu