Minčanka paprasiła Kucharava pamianiać joj kvateru praź infrahuk ad susiedskaha kampjutara
30 krasavika kiraŭnik Minska Uładzimir Kucharaŭ pravodziŭ asabisty pryjom hramadzian. Adna z naviednic padzialiłasia dziŭnaj prablemaj.
Jak piša ahienctva «Minsk-Naviny», žančyna, jakaja žyvie ŭ Frunzienskim rajonie paskardziłasia na infrahuk, jaki turbuje jaje na praciahu 14 miesiacaŭ. Minčanka padazraje, što jaho krynica — kampjutar susieda źvierchu, i prosić pamianiać joj kvateru.
Uładzimir Kucharaŭ adkazaŭ, što situacyju treba vyvučać. Było adznačana, što infrahuk nie raspaŭsiudžvajecca kropkava i nakiravana, tamu jaho pavinny adčuvać i inšyja susiedzi. Tamu da žančyny nakirujuć śpiecyjalistaŭ, jakija dapamohuć joj razabracca z prablemaj.
Prablemu ŭziaŭ na asabisty kantrol namieśnik hałoŭnaha doktara haradskoha centra hihijeny i epidemijałohii Hryhoryj Hieciuk.
A voś prośbu minčanki pamianiać žytło Kucharaŭ adchiliŭ:
«Vaša kvatera — heta vaša ŭłasnaść: my nie možam jaje pamianiać. Vy, jak ułaśnik, možacie jaje pradać i kupić inšuju».
Ale i takim adkazam žančyna zastałasia zadavolenaj:
«Vielmi ŭdziačnaja, što vy źviarnuli ŭvahu na hetuju prablemu, bo, na žal, nie ŭsie ŭsprymajuć jaje surjozna — niamnohija znajomyja z hetaj źjavaj. Nie zaŭsiody atrymlivajecca jaje zafiksavać i vymierać».