Były čynoŭnik z Babrujska pajšoŭ na vajnu za Rasiju. Pamiž kantraktam i śmierciu prajšło 20 dzion
Novy 2025 hod Vadzim Naŭharodski sustreŭ na froncie. A praz try dni zahinuŭ.
U śpisie biełarusaŭ, jakija vajujuć na baku Rasii va Ukrainie, apublikavanym prajektam «Chaču žyć», jość niekalki asob, jakija nie pratrymalisia ŭ bajach i miesiac z času padpisańnia kantrakta.
Adzin z antyrekardsmienaŭ — babrujčanin Vadzim Naŭharodski. Jon padpisaŭ kantrakt 14 śniežnia 2024 hoda, a 4 studzienia 2025 hoda ŭžo zahinuŭ.
Vadzim Naŭharodski. Fota z bazy «Biełpoła»
Pa infarmacyi BelPol, mužčyna pracavaŭ u śfiery adukacyi, u pryvatnaści, u profilnym adździele administracyi Leninskaha rajona ŭ Babrujsku, a taksama ŭ Babrujskaj dapamožnaj škole.
Vidać, karjera čynoŭnika skončyłasia z atrymańniem sudzimaści: padobna, što paralelna mužčyna zajmaŭsia pradprymalnickaj dziejnaściu, ale niezakonna, za što i byŭ pryciahnuty ŭ 1997 hodzie da adkaznaści pa 151 artykule KK (u tyja hady — parušeńnie paradku ažyćciaŭleńnia pradprymalnickaj dziejnaści).
Viadoma, što potym Vadzim Naŭharodski pracavaŭ u jakaści stalara-stanočnika. Apošnim časam žyŭ u Rasii i atrymaŭ hramadzianstva Rasii.