Zialenski: Ukraina nie moža harantavać biaśpieku suśvietnych lidaraŭ, jakija pryjeduć u Maskvu na parad 9 maja
«My nie možam nieści adkaznaść za toje, što adbyvajecca na terytoryi Rasii».
Uładzimir Zialenski. Fota: Antonio Masiello, Getty Images
«Naša pazicyja vielmi prostaja da ŭsich krain, jakija jechali abo jeduć na 9 maja: my nie možam nieści adkaznaść za toje, što adbyvajecca na terytoryi Rasii. Jany zabiaśpiečvajuć vam biaśpieku, i tamu harantyi my vam nijakija davać nie budziem», — zajaviŭ prezident Ukrainy Uładzimir Zialenski.
Pa jaho słovach, rasijski bok moža samastojna ździajśniać adnosna haściej lubyja dziejańni i pierakładać vinu za heta.
Na parad u Maskvu źbirajucca niekalki dziasiatkaŭ kiraŭnikoŭ krain, u tym liku lidary Kitaja, Sierbii, Vienhryi, Biełarusi, Kazachstana, Azierbajdžana.