Pientahon: Kolkaść vyšejšych aficeraŭ skarociać na 20 pracentaŭ
Va ŭzbrojenych siłach ZŠA płanujecca skaracić kožnaha piataha čatyrochzorkavaha hienierała i admirała. Adpaviednaje daručeńnie daŭ ministr abarony ZŠA Pit Chehset, piša Deutsche Welle.
Ministr abarony ZŠA Pit Chehset. Fota: AP Photo / Mark Schiefelbein
Pit Chehset daručyŭ skaracić kolkaść dziejučych čatyrochzorkavych hienierałaŭ i admirałaŭ va ŭzbrojenych siłach krainy jak minimum na 20 pracentaŭ. Akramia taho, jak vynikaje ź miemaranduma, apublikavanaha ŭ paniadziełak, 5 maja, płanujecca taksama skaracić:
na 10 pracentaŭ — kolkaść vyšejšych aficeraŭ armii i fłotu, na 20 pracentaŭ — hienierałaŭ Nacyjanalnaj hvardyi.
Skaračeńni nakiravany na «likvidacyju zališnich struktur u vojskach», tłumačycca ŭ miemarandumie. Miarkujecca, što hetyja miery ŭmacujuć pazicyi ZŠA, pavysiać efiektyŭnaść i spryjajuć inavacyjam.
Jak mienavita budzie realizavana skaračeńnie, nie ŭdakładniajecca.