Fota momantu zamachu na Trampa atrymała Pulitceraŭskuju premiju
Arhkamitet Pulitceraŭskaj premii abviaściŭ łaŭreataŭ 2025 hoda. Premija prysudžajecca z 1917 hoda bolš jak u 20 naminacyjach.
Łaŭreatam premii ŭ žanry non-fikšn stała kniha Biendžamina Natansa «Za pośpiech našaj bieznadziejnaj spravy: Mnostva žyćciaŭ savieckaha dysidenckaha ruchu».
Hazieta The New York Times atrymała čatyry ŭznaharody, u tym liku za repartažy pra kanflikt u Sudanie i materyjał pra vajennyja dziejańni ZŠA ŭ Afhanistanie, piša DW — Belarus.
Taksama premiju atrymaŭ fatohraf NYT Dah Miłs za fota, zroblenaje ŭ momant zamachu na Donalda Trampa letam 2024 hoda: u kadr trapiła kula, što lacieła ŭ palityka.
Akramia taho, žury ŭznaharodziła hazietu The Wall Street Journal za materyjał pra blizkaha sajuźnika Trampa Iłana Maska i jaho ŭzychodžańnie na palityčny Alimp.
U svaju čarhu, najlepšaj mastačkaj-karykaturystkaj była pryznanaja En Tełnas, jakaja pakinuła Washington Post paśla 17 hadoŭ supracoŭnictva, pakolki hazieta admoviłasia publikavać jaje karykaturu z krytykaj Donalda Trampa.