Vyśvietlili, dzie adbyvaŭsia «dopyt» kalinoŭca Vasila Hračychi

5 maja BT pakazała siužet pra zatrymańnie dobraachvotnika-kalinoŭca Vasila Hračychi. «Naša Niva» vyznačyła miesca, kudy viertalot pryvioz Vasila dla teatralizavanaha «dopytu», a taksama bartavy numar viertalota, jaki KDB sprabavaŭ schavać u siužecie.

Hieałakacyja kadra z dopytam Vasila Hračychi

Viertalot sieŭ u paŭnočna-ŭschodniaj častcy vajskovaha aeradroma Mačuliščy pad Minskam. Na dakładnaje miesca pakazvajuć aryjenciry: vialiki žoŭty rejkavy kran u pramzonie pobač z aeradromam, raskładka bietonnych avijacyjnych plit dy inšyja.

KDB admysłova nie pakazvaje bartavy numar viertalota, na jakim pieravozili Hračychu. Va ŭsich kadrach ź viertalotam jon zablurany. Adnak toj numar na imhnieńnie ŭźnikaje ŭ adbitku aŭtamabilnaha škła pry kancy siužeta.

Heta viertalot typu Mi-8MT, b/n 36, pastajannaja dysłakacyja: vajskovy aeradrom Mačuliščy.

Bartavy numar viertalota Mi-8MT u roznych kadrach siužeta

Viertalot Mi-8MT u Mačuliščach, 2015 hod. Fota: Dźmitryj Łucevič / russianplanes.net

Viertaloty hetaha typu nieadnarazova vykarystoŭvalisia ŭ treniroŭkach i vučeńniach śpiecpadraździaleńniaŭ Biełarusi, u tym liku hrupy «Alfa» KDB.

Vučeńni śpiecsłužbaŭ krain SND «Bastyjon—antyteror, 2008». Fota: Ivan Rudnieŭ / Sputnik

Dadatkova ŭ siužecie blurać i fihuru čałavieka ŭ cyvilnym, jaki znachodzicca na zadnim płanie. Pakažam i jaje, z taho ž adlustravańnia ŭ aŭtamabilnym škle.

Čałaviek u cyvilnym na zadnim płanie, jakoha sprabavali zabluryć

Stan raślinnaści na zdymkach, a mienavita hołyja halinki drevaŭ, śviedčyć pra toje, što zdymki adbyvalisia nie ciapier, nie ŭ mai 2025 hoda, a našmat raniej.

Nahadajem, Hračycha apošni raz byŭ anłajn u studzieni 2025 hoda.

Načalnik śledčaha ŭpraŭleńnia KDB Kanstancin Byčak pravodzić teatralizavanuju insceniroŭku «dopytu» z parušeńniem pracesualnych normaŭ. Heta hulnia na kamieru, paśla toje samaje pavinna budzie adbycca ŭžo pa pracedury.

Načalnik śledčaha ŭpraŭleńnia KDB Kanstancin Byčak

Masavyja palityčnyja represii ŭ Biełarusi praciahvajucca z 2020 hoda. Tady, miarkujučy pa pratakołach učastkovych vybarčych kamisij, Alaksandr Łukašenka prajhravaŭ Śviatłanie Cichanoŭskaj, ale nie addaŭ ułady. Asabliva žorstkimi represii stali paśla kryvavaha napadu Rasii na Ukrainu ŭ 2022 hodzie.

Pa słovach namieśnika načalnika Hałoŭnaha ŭpraŭleńnia pracesualnaha kantrolu Śledčaha kamiteta Alaksandra Žukava, było zafiksavana bolš za 22 500 «złačynstvaŭ ekstremisckaj skiravanaści», heta značyć, palityčnaha charaktaru. Pa mnohich z hetych kryminalnych spravaŭ prachodziać šmatlikija fihuranty.

Jašče bolš ludziej papali pad administracyjny pieraśled, byli zvolnienyja z pracy ci vyklučanyja z VNU.

Zhodna ź infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli pakinuć krainu.

Kamientary da artykuła