Rasija vypłacić vieteranam Druhoj suśvietnaj vajny mienš za ŭsich u SND
Da 80-hodździa pieramohi ŭ Druhoj suśvietnaj vajnie Rasija vypłacić vieteranam pa 80 tysiač rasijskich rubloŭ (kala 3200 biełaruskich rubloŭ). Heta ŭ 10,5 razoŭ mienš, čym Uźbiekistan i Kazachstan, padličyŭ «Dožd́». U Biełarusi vypłaty krychu bolšyja, čym u Rasii, ale nie daciahvajuć da inšych krain SND.
Uźbiekistan vypłacić da 9 maja pa 10 tysiač dalaraŭ (kala 33 tysiačy biełaruskich rubloŭ) usim udzielnikam vajny.
Kazachstan zapłacić 5 młn tenhie (kala 30 tysiač biełaruskich rubloŭ), u krainie zastałosia 120 vieteranaŭ.
Kyrhyzstan anansavaŭ vypłaty ekvivalentnyja prykładna 37 tysiačam biełaruskich rubloŭ, Tadžykistan — 8 tysiačam rubloŭ.
Azierbajdžan vypłacić kala 4800 rubloŭ kožnamu vieteranu.
U Małdovie vieterany Druhoj suśvietnaj vajny atrymajuć amal u 2 razy bolš, čym u Rasii — kala 5,3 tysiačy biełaruskich rubloŭ. U kraina pražyvaje 25 vieteranaŭ.
U Biełarusi ŭdzielniki vajny atrymajuć pa 5 tysiač biełaruskich rubloŭ, u krainie zastałosia kala 800 vieteranaŭ.