Cichanoŭskaja — novamu Papu: Vaša słova moža stać hołasam padtrymki dla našych palitviaźniaŭ
Śviatłana Cichanoŭskaja vystupiła sa zvarotam z nahody abrańnia Robierta Frensisa Prevo novym Papam.
Śviatłana Cichanoŭskaja
«Vašaja śviataść, ja ščyra vinšuju Vas z abrańniem pantyfikam, z novym adkaznym zadańniem i słužeńniem. Niesumnienna, Vašaje pryznačeńnie źjaŭlajecca važnaj padziejaj jak dla katolikaŭ, tak i dla ŭsich chryścijan, i ŭvohule kožnaha čałavieka na našaj Ziamli.
Vaš hołas buduć čuć miljony. I siarod ich — my, biełarusy. Narod, jaki mirna zmahajecca za svaje pravy i svabodu. Narod, jaki vieryć u siłu spačuvańnia i salidarnaści. Jaki stavić čałaviečnaść i dabryniu vyšej za ŭsio inšaje.
My vierym, što Vašaje słova moža stać hołasam padtrymki dla našych palitviaźniaŭ, dla ich siemjaŭ. Hołasam dla ŭsich, chto nie straciŭ viery navat u samych ciažkich umovach našaj rečaisnaści.
Niachaj Vašaje słužeńnie stanie pramianiom nadziei dla ŭsich, chto zmahajecca za praŭdu», — skazała Śviatłana Cichanoŭskaja.
Čytajcie taksama:
Novym Papam abviaścili amierykana-pieruanskaha kardynała Robierta Prevo