Čarha ź lehkavych aŭtamabilaŭ na vyjezd ź Biełarusi znoŭ vyrasła
Pa stanie na 08:00 piatnicy na polskaj miažy na pierachodzie «Brest» stajać 1510 lehkavych aŭtamabilaŭ i šeść aŭtobusaŭ.
Papiarednija dni tam było mienš za 1500 lehkavikoŭ.
Na litoŭskaj miažy ŭ «Kamiennym Łohu» — 10 lehkavych aŭtamabilaŭ, čarhi z aŭtobusaŭ niama.
U «Bieniakoniach» čerhaŭ niama.
Tym nie mienš aŭtobusy, što jeduć ź Litvy, zatrymlivajucca ŭ suviazi z praciahłym prachodžańniem dziaržaŭnaj miažy. Tak, rejs Kaŭnas-Minsk z časam adpraŭleńnia z Kaŭnasa 17:30 pieranosicca na 18:10 z aeraporta Kaŭnas, a aŭtobus Vilnia — Minsk adpraŭleńniem sa stalicy Litvy a 8-j, u 07:40 stajaŭ jašče na niejtralnaj terytoryi ŭ bok Vilni.