Haradzienca asudzili na 13 hadoŭ za vymahańnie ŭ ajcišnika kryptavaluty na miljard rubloŭ
Žychar Hrodna byŭ asudžany na 13 hadoŭ pazbaŭleńnia voli za sprobu vymahańnia nadzvyčaj vialikaj sumy ŭ kryptovalucie, paviedamiła Hienprakruratura.
Fota: vecteezy.com
Incydent adbyŭsia ŭletku minułaha hoda. Dvoje mužčyn pranikli ŭ kvateru minčuka, vydajučy siabie za elektrykaŭ. Jany pahražali jamu zbrojaj i elektrašokieram, patrabujučy pieraličyć 5750 bitkojnaŭ, što na toj momant składała amal miljard biełaruskich rubloŭ.
Minčuk admoviŭsia heta rabić, tady napadniki dali jamu 24 hadziny na pieravod valuty. Paśla hetaha adzin ź ich vyjechaŭ z krainy, druhoha zatrymali.
Sud pryznačyŭ jamu 13 hadoŭ pazbaŭleńnia voli va ŭmovach uzmocnienaha režymu i štraf 21 tysiačy rubloŭ.