Rubia nie čakaje praryvu ad ciapierašnich pieramoŭ u Stambule
Dziaržsakratar ZŠA Marka Rubia zajaviŭ, što ŭ ZŠA niama zavyšanych čakańniaŭ ad pieramoŭ Rasii i Ukrainy ŭ Turcyi. Pavodle jaho mierkavańnia, adziny sposab damahčysia praryvu ŭ spravie spynieńnia vajny Rasii va Ukrainie — pramyja pieramovy pamiž prezidentami ZŠA i Rasii, piša Reuters.
Marka Rubia. Fota: AP
Rubia, jaki razmaŭlaŭ z žurnalistami ŭ Antalji, skazaŭ, što adpravicca ŭ Stambuł dla sustreč 16 maja ź ministram zamiežnych spraŭ Turcyi Chakanam Fidanam i ŭkrainskaj delehacyjaj, ale skazaŭ, što nie ŭskładaje vialikich spadziavańniaŭ na pieramovy.
Dziaržsakratar ZŠA pahadziŭsia z acenkaj, što ŭzrovień rasijskaj delehacyi «nie śviedčyć pra mahčymaść dasiahnieńnia praryvu».
«Spadziajusia, ja pamylajusia. Spadziajusia, ja na 100% pamylajusia, — dadaŭ Rubia. — Spadziajusia, zaŭtra ŭ navinach skažuć, što jany damovilisia ab spynieńni ahniu».
Terminy mahčymaj sustrečy Trampa i Pucina, pavodle jaho słoŭ, buduć zaležać ad vynikaŭ hetych pieramoŭ u Stambule.
Čytajcie taksama:
Abmien usich pałonnych i spynieńnie ahniu. Zialenski nazvaŭ temy dla pieramovaŭ z Pucinym u Stambule
Siarod rasijskich pieramoŭnikaŭ u Stambule — kiraŭnik złaviesnaha HRU. Chto jon, Ihar Kaściukoŭ?
Zialenski adpraŭlaje pieramaŭlacca ź Miadzinskim delehacyju na čale z Umieravym