«Utopija, zasnavanaja na empatyi». Na amierykanskim fiestyvali Burning Man budzie biełaruski łahier
Bujnoje štohadovaje mierapryjemstva adbudziecca ŭ žniŭni na zachadzie ZŠA.
Prajekt łahiera. Eskizy Vondel Digital. Vyjava: Valer Astrynski / Facebook
Biełaruski łahier na Burning Man źbiare 35 čałaviek. Prajekt nazyvajecca MARA. Jaho płošča — 30 na 30 mietraŭ, raskazaŭ pradprymalnik Valer Astrynski, adzin z arhanizataraŭ placoŭki.
Prajekt łahiera. Eskizy Vondel Digital. Vyjava: Valer Astrynski / Facebook
U łahiery budzie sapraŭdnaja łaźnia i fudtrak z dranikami — jaho zrobiać z amierykanskaha žoŭtaha aŭtobusa.
«Vielmi kłasnyja biełarusiki sabralisia ŭ našym kempie i my pačali stvarać našu ŭtopiju, zasnavanuju na empatyi, svabodzie i adkaznaści», — napisaŭ Astrynski.
Prajekt łahiera. Eskizy Vondel Digital. Vyjava: Valer Astrynski / Facebook
Burning Man — vialiki tydniovy fiestyval, jaki štohod pravodzicca ŭ pustyni Nievada. Kožny raz mierapryjemstva źbiraje kala 100 tysiač čałaviek z usiaho śvietu. Na fiestyvali niama prahramy — udzielniki stvarajuć «maleńki horad» svaimi siłami.