Premjer Ałbanii sustreŭ Džordžu Miełoni ŭ Tyranie rycarskim pakłonam VIDEA
U stalicy Ałbanii Tyranie padčas cyrymonii adkryćcia VI samitu Jeŭrapiejskaj palityčnaj supolnaści adbyŭsia niezvyčajny dypłamatyčny momant. Premjer-ministr Ałbanii Edzi Rama pry sustrečy z premjer-ministarkaj Italii Džordžaj Miełoni schiliŭ kalena ŭ znak asablivaj pavahi.
Edzi Rama i Džordža Miełoni. Fota: Armando Babani/Getty Images
Hety žest, jaki nahadvaje siaredniaviečnyja rycarskija tradycyi, pryciahnuŭ uvahu ŭdzielnikaŭ samitu i suśvietnych ŚMI.
Premjer-ministarka Italii, pabačyŭšy Ramu ŭ takim vyhladzie, na niejki momant razhubiłasia i ŭskliknuła: «Edzi, spynisia!» Paźniej jana z humaram prakamientavała epizod, skazaŭšy, što Rama prosta chacieŭ «być ź joj adnaho rostu». Reč u tym, što rost Edzi Ramy — krychu bolšy za dva mietry, a ŭ Miełoni — 1,63.
Nahadajem, što ŭ ciapierašnim samicie prymajuć udzieł kiraŭniki dziaržaŭ i ŭradaŭ kala 50 krain. Jeŭrapiejskaja palityčnaja supolnaść, stvoranaja ŭ 2022 hodzie, słužyć płatformaj dla palityčnaha i stratehičnaha abmierkavańnia budučyni Jeŭropy.
Siarod haściej sioletniaha forumu i biełaruskaja demakratyčnaja lidarka Śviatłana Cichanoŭskaja, jakaja sustrełasia ŭ jaho kułuarach z mnohimi ŭpłyvovymi jeŭrapiejskimi palitykami.
Čytajcie taksama:
Pašynian u Tyranie prapanavaŭ Alijevu pajści papić kavy VIDEA
Mierc, Erdahan, Starmier: z kim u Tyranie pahavaryła Cichanoŭskaja ŠMAT FOTA
Cichanoŭskaja siadzić za adnym stałom z kiraŭnikami dziaržaŭ na samicie ŭ Ałbanii