Maładaja para vyrašyła abyści ŭvieś Minsk uzdoŭž MKAD: «Nohi potym jašče try dni baleli»
Išli 21 hadzinu.
9 maja Asia i Lonia vybralisia sa Ściapianki i vyrašyli pieššu prajścisia ŭzdoŭž MKAD — 56,2 kiłamietra, piša Onliner.by.
Išli amal sutki — 21 hadzinu. Uvieś šlach padzialili na adrezki prykładna pa 2 hadziny — i padčas pierapynkaŭ zachodzili na zapraŭki, kab pierakusić, źniać abutak i prosta raźmiacca.
Apošni adrezak, raspaviadaje Asia, jany z chłopcam pieraadoleli ź vialikaj ciažkaściu («ledź prosta nohi vałakli»). Kali viarnulisia ŭ Ściapianku, dačakalisia aŭtobusa i pryjechali dadomu. Paspali hadziny z čatyry i znoŭ pajšli hulać ź siabrami.
— Skažycie ščyra: navošta ŭsio heta?
— Ja chacieła dakazać sabie, što mahu — kali nie dajści, dyk chacia b dapaŭźci. Loniu taksama chaciełasia zakryć hieštalt, bo heta ŭžo treciaja sproba.Paśla taho jak dasiahaješ mety, takoje pačućcio zadavalnieńnia adčuvaješ! Jarkija adčuvańni — ty taki prosta pieramožca, tryumfatar.