Dla ŭsich dziesiacikłaśnikaŭ uviaduć vučebna-palavyja zbory
Ministerstva adukacyi Biełarusi abviaściła, što z 1 vieraśnia 2025 hoda ŭ školnuju prahramu ŭnosiacca źmieny. Adnym z hałoŭnych novaŭviadzieńniaŭ stanie praviadzieńnie vučebna-palavych zboraŭ dla ŭsich dziesiacikłaśnikaŭ. Jany buduć doŭžycca 10 dzion i projduć u kancy navučalnaha hoda — z 26 maja pa 5 červienia.
Zdymak ilustracyjny. Fota: Hrodzienski dziaržaŭny ŭniviersitet imia Janki Kupały
Pieršyja takija zbory adbuducca ŭ 2026 hodzie. Raniej u takim farmacie ŭ ich udzielničali tolki kadety i suvoraŭcy.
Taksama, pačynajučy z 2025/2026 navučalnaha hoda, kolkaść urokaŭ «Fizičnaja kultura i zdaroŭje» pavialičycca z dvuch da troch u tydzień. U ministerstvie tłumačać heta žadańniem pavialičyć fizičnuju aktyŭnaść školnikaŭ i stvaryć sistemu zachavańnia zdaroŭja ŭ škołach.
Akramia taho, u 10 i 11 kłasach pačali vykładać novy vučebny pradmiet — «Historyja Biełarusi ŭ kantekście suśvietnaj historyi». Jaho metaj źjaŭlajecca farmiravańnie ŭ vučniaŭ cełasnaha ŭjaŭleńnia pra śviet i raźvićcio krytyčnaha myśleńnia.
Taksama, u suviazi z patrebami inkluziŭnaj adukacyi i prośbami baćkoŭ dziaciej, što navučajucca doma, u školnuju prahramu dadali hadziny dla takich pradmietaŭ, jak «Vyjaŭlenčaje mastactva», «Asnovy biaśpieki žyćciadziejnaści», «Mastactva» (biełaruskaja i suśvietnaja kultura), «Čarčeńnie».
Ministerstva ličyć, što ŭsie hetyja źmieny nakiravany na udaskanaleńnie adukacyjnaha pracesu i pavyšeńnie jakaści navučańnia.
Čytajcie taksama:
Bieź pieśniaŭ Mieładze i ŭ formie: jak projduć vypusknyja ŭ škołach i dziciačych sadkach