Ihar Sierhiejenka pieradaŭ Papu abraz u padarunak ad Łukašenki

Jaho vyrabili majstry Minskaha Śviata-Jelisaviecinskaha manastyra.

Skrynšot tranślacyi z Vatykana

Staršynia Pałaty pradstaŭnikoŭ i były kadebešnik Ihar Sierhiejenka, jaki prysutničaŭ u Vatykanie na cyrymonii intranizacyi (ustupleńnia ŭ pasadu) novaha Papy Lva XIV, pieradaŭ jamu padarunak ad Łukašenki.

Sierhiejenka ŭ Vatykanie. Fota: pres-słužba Pałaty Pradstaŭnikoŭ

Heta abraz Božaj Maci Žyrovickaj. Jon vyrableny majstrami Minskaha Śviata-Jelisaviecinskaha manastyra ŭ technicy ručnoha ciśnieńnia, sierabreńnia i załačeńnia.

@belarusnovosti1 Łukašienko pieriedał Papie Rimskomu ikonu i prihłasił v Biełaruś #biełaruś #łukašienko #paparimskij #minsk #minsknovosti #biełaruśnovosti #novostibiełarusi ♬ Giga Chad - sergionabeat

Aryhinał znachodzicca ŭ Śviata-Uśpienskim manastyry ŭ Žyrovicach.

Pres-słužba Pałaty pradstaŭnikoŭ pieradaje słovy Sierhiejenki pra toje, što «ŭ naš niaprosty i niepradkazalny čas spadziavańni narodaŭ na mir i sacyjalnuju spraviadlivaść tolki ŭzmacniajucca, i chryścijanskija kaštoŭnaści, duchoŭnaść, miralubnaść — toje, što ciapier abjadnoŭvaje Biełaruś i Śviaty Pasad».

Sierhiejenka taksama skazaŭ, što jany buduć rady bačyć novaha Papu ŭ Biełarusi.

Kamientary da artykuła