U Vaŭkavysku pastaviać dziŭnuju skulpturu za 35 tysiač rubloŭ

Abstraktnuju skulpturnuju kampazicyju «Promni» vyrašyli pastavić u Vaŭkavysku. Vyšynia skulptury — 5 mietraŭ. Na jaje vyrab i mantaž płanujuć vydatkavać 35 tysiač rubloŭ, paviedamlaje Hrodna.life.

Vaŭkavysk. Fota ilustracyjnaje: vetliva.ru

Ciłavy karkas źbiaruć sa stalovych profilnych trub dla tryvałaści i hieamietryčnaj stabilnaści kanstrukcyi. Unutry budzie pienapalistyroł, achoŭny słoj — sa škłopłastyku. Źvierchu kanstrukcyju pafarbujuć aŭtamabilnaj emallu i pakryjuć łakam.

Abstraktnaja skulptura, jakuju płanujuć pastavić u Vaŭkavysku. Krynica: dakumienty dziaržzakupki

Patencyjnyja padradčyki na vyrab i mantaž architekturnaj skulpturnaj kampazicyi pavinny byli dasłać svaje prapanovy ŭ Vaŭkavyskuju kamunalnuju haspadarku da 15 traŭnia.

U 2025 hodzie Vaŭkavysk adznačyć 1020-hodździe horada. Akramia taho, tam vyrašyli pravieści abłasnyja Dažynki.

Haradskuju prastoru ŭžo pačali rychtavać — u parku abrezali drevy, kala Doma bytu śpiłavali nicyja vierby. U parku taksama źbirajucca abnavić darožki, łaŭki, areli i pasadzić kusty. U hetym hodzie ŭ Vaŭkavysku płanujuć pasadzić 3600 dreŭ — na pustych terytoryjach i ŭzdoŭž vulic. Taksama pasadziać 400 kustoŭ.

Kamientary da artykuła