«Nam samim nie padabajecca». Na Žłobinskim miasakambinacie nie vyklučyli, što zamieniać skandalnuju sasisku
U Žłobinie źjaviłasia strašnaja sasiska, jakaja smažyć inšuju sasisku, — skulptura, jakaja vyklikała šum u sacsietkach. Heta art-abjekt miascovaha miasakambinata, i tam nieaficyjna pryznalisia, što im samym takaja tvorčaść nie pryjšłasia daspadoby, piša «Biełsat».
Žłobinski miasakambinat u svaich sacsietkach adspravazdačyŭsia, što z nahody Hoda ŭparadkavańnia pastaviŭ u miascovym parku «Piać stychij» «malaŭničuju skulpturu»:
«Stvaralniki skulptury kažuć, što varta tolki dakranucca ci pacierci sasiski na manhale, i ŭdača pavierniecca da vas tvaram».
U kamientarach ludzi pišuć, što sasiska aŭtaram nie vielmi ŭdałasia:
«Šałaputnaja sasiska smažyć svaich dziaciej, cudoŭna!»
«Zdajecca, heta lišak solaŭ u arhaniźmie dyzajniera».
«Jaki horad, takija i pomniki».
U Žłobinskim rajvykankamie, kudy karespandent «Biełsata» patelefanavaŭ pad vyhladam miascovaha žychara, ad skandalnaj skulptury adchryścilisia:
«Heta sasiska miasakambinata. Voś chto staviŭ, tudy i zvanicie, na pradpryjemstva».
Na Žłobinskim miasakambinacie karespandentu «Biełsata» jak pryvatnaj asobie skazali, što akurat ułady i zahadali pradpryjemstvu pastavić niejkuju skulpturu:
«Heta było zadańnie rajvykankama, a miasakambinat užo vykonvaŭ. Nie mienavita takuju kampazicyju pastavić, havorka išła, kab ad miasakambinata niešta było. Miasakambinat za jaje i zapłaciŭ».
Reakcyju ŭ sacsietkach na pradpryjemstvie bačać:
«My čytajem kamientary, bačym hetuju situacyju».
U kampanii nie vyklučyli, što «šałaputnuju sasisku» abo pasprabujuć niejak vypravić, abo całkam zamieniać:
«Pakul nie viedajem, adnak padymajem hetaje pytańnie».
Na pytańnie, ci spadabałasia im samym hetaja skulptura, na miasakambinacie pryznalisia:
«Viadoma ž, nie».
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki37
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary