U MARH pryznalisia, što prablemy z cybulaj dla ich nie niečakanyja

Pieršy namieśnik ministra antymanapolnaha rehulavańnia i handlu Ivan Viežnaviec u efiry telekanała STB paviedamiŭ, što prablemy z cybulaj, jakija apošnim časam vyjšli najaŭ, u viedamstvie čakalisia. Jašče raniej u ministerstvie viedali, što naprykancy mižsiezonnaha pieryjadu situacyja budzie składanaj.

Fota ilustracyjnaje

Čynoŭnik patłumačyŭ, što kramy pradajuć tyja tavary, jakija pastupajuć ad pastaŭščykoŭ, i vykonvajuć vyznačany asartymient. Pry hetym ludzi časta zaŭvažajuć mienavita niehatyŭ, kažučy, što źnikli cybula, bulba, makarona — ale heta źviazana i z pakupnickimi pieravahami.

Ciapier, kaža Viežnaviec, jakraz maj — kaniec mižsiezońnia, i heta naturalna, što z pastaŭkami niekatorych praduktaŭ mohuć być ciažkaści.

Taksama namieśnik ministr adznačyŭ, što raniej prablem z cybulaj nie ŭźnikała, tamu što MARH razam ź Ministerstvam sielskaj haspadarki arhanizoŭvali pastaŭki cybuli ŭ kramy «praktyčna ŭ ručnym režymie».

Kamientary da artykuła