У МАРГ прызналіся, што праблемы з цыбуляй для іх не нечаканыя
Першы намеснік міністра антыманапольнага рэгулявання і гандлю Іван Вежнавец у эфіры тэлеканала СТБ паведаміў, што праблемы з цыбуляй, якія апошнім часам выйшлі наяў, у ведамстве чакаліся. Яшчэ раней у міністэрстве ведалі, што напрыканцы міжсезоннага перыяду сітуацыя будзе складанай.
Фота ілюстрацыйнае
Чыноўнік патлумачыў, што крамы прадаюць тыя тавары, якія паступаюць ад пастаўшчыкоў, і выконваюць вызначаны асартымент. Пры гэтым людзі часта заўважаюць менавіта негатыў, кажучы, што зніклі цыбуля, бульба, макарона — але гэта звязана і з пакупніцкімі перавагамі.
Цяпер, кажа Вежнавец, якраз май — канец міжсезоння, і гэта натуральна, што з пастаўкамі некаторых прадуктаў могуць быць цяжкасці.
Таксама намеснік міністр адзначыў, што раней праблем з цыбуляй не ўзнікала, таму што МАРГ разам з Міністэрствам сельскай гаспадаркі арганізоўвалі пастаўкі цыбулі ў крамы «практычна ў ручным рэжыме».
Чытайце таксама:
Нават у краме буйнога саўгаса, які ганарыцца сваім ураджаем гародніны, няма бульбы, морквы, цыбулі
З беларускіх крамаў знікла цыбуля. А што здарылася?
У Магілёве беларускую бульбу прадаюць даражэй за іранскія кавуны