Pucin raskazaŭ Trampu pra terakty, nibyta praduchilenyja na Krasnaj płoščy
Rasija praduchiliła pahrozy ździajśnieńnia teraktaŭ kala Kramla i Krasnaj płoščy ŭ noč z 6 na 7 maja. Pra heta raskazaŭ prezident Rasii Uładzimir Pucin amierykanskamu prezidentu Donaldu Trampu, paviedamiŭ pamočnik rasijskaha prezidenta Juryj Ušakoŭ, piša RBK.
Uładzimir Pucin. Skrynšot videa
«U noč z 6 na 7 maja Ukraina vypuściła pa rasijskaj terytoryi 524 bieśpiłotniki, a taksama amierykanskija rakiety Storm Shadow [nasamreč — brytanskija rakiety — NN], pryčym bolšaja častka išła na Maskvu. Praktyčna ŭsie jany byli źbityja. Tady ž byli praduchilenyja i pahrozy ździajśnieńnia teraktaŭ u centry stalicy ŭ rajonie Kramla i Krasnaj płoščy», — pieradaŭ Ušakoŭ słovy Pucina.
Pucin adznačyŭ, što takim čynam ukraincy nibyta chacieli zapałochać haściej śviatkavańnia 80-hodździa Pieramohi, kab zamiežnyja lidary nie pryjechali ŭ Maskvu.
Čytajcie taksama:
Pucin paviedamiŭ, pra što havaryŭ z Trampam
Tramp pra vyniki razmovy z Pucinym: Pieramovy pamiž Rasijaj i Ukrainaj pačnucca nieadkładna
Tramp zajaviŭ, što hatovy adstupić ad pieramovaŭ pamiž Ukrainaj i RF, kali nie budzie prahresu
Zialenski paśla razmovy z Trampam: Vyvodzić našy vojski z našych terytoryj nichto nie budzie