Kiraŭnik «Jeŭraopta» vyjšaŭ na svabodu

Alaksandr Litvin, staršynia rady dyrektaraŭ i brat saŭładalnika «Jeŭrahandlu», byŭ zatrymany padčas nalotu na kampaniju.

Alaksandr Litvin

Surazmoŭca «Našaj Nivy», blizki da adnaho z supracoŭnikaŭ centralnaha ofisu «Jeŭrahandlu», paviedamiŭ, što častka top-mieniedžaraŭ kampanii viarnułasia na pracu.

U metach kanfidencyjnaści było nazvana tolki adno kankretnaje imia — staršyni rady dyrektaraŭ «Jeŭrahandlu» Alaksandra Litvina, rodnaha brata adnaho ź bienieficyjaraŭ kampanii Siarhieja Litvina. Heta, maŭlaŭ, adzin z tych, chto dakładna byŭ zatrymany na minułym tydni ŭ Minsku. 

Pa słovach surazmoŭcaŭ, Alaksandr Litvin užo na pracy. Možna mierkavać, takim čynam, što staršynia dyrektarskaj rady «Jeŭrahandlu» pravioŭ u izalatary 72 hadziny — troje sutak. 

Nahadajem, 15 maja byŭ zatrymany šerah top-mieniedžaraŭ «Jeŭrahandlu» — jurydyčnaj asoby, jakaja vałodaje sietkaj kramaŭ «Jeŭraopt». Heta samaje vialikaje pryvatnaje pradpryjemstva ŭ krainie.

Uvachod DFR, pa słovach śviedkaŭ, adbyvaŭsia z «maski-šou» i vyłamlivańniem dźviarej. Kiraŭnictva orhany nibyta zabrali z saboj, a piersanał mienšaha kalibru pakinuli na voli. 

Pryčyna pretenzij dziaržavy dahetul nieviadomaja, dziaržaŭnyja ŚMI ničoha pa hetaj temie nie publikavali. 

Paśla stała viadoma, što śledam za «Jeŭraoptam» pieratrusy adbylisia i ŭ «Dabranomie».

Kamientary da artykuła