U Hrodnie adbyłasia avaryja z udziełam maršrutki, siem paciarpiełych
Siem čałaviek paciarpieli 20 maja ŭ surjoznym DTZ na skryžavańni vulic Savieckich Pahraničnikaŭ i Haharyna ŭ Hrodnie, paviedamlaje miascovaja teleradyjokampanija.
Pavodle papiaredniaj infarmacyi, kiroŭca aŭtamabila «Falksvahien Džeta» vykonvaŭ razvarot i nie prapuściŭ maršrutnaje taksi «Mersedes», u vyniku čaho mikraaŭtobus sutyknuŭsia z aŭtamabilem «Kia».
Adznačajecca, što na miesca avaryi «nieadkładna prybyli ekstrannyja słužby». Siem čałaviek dastaŭlenyja ŭ balnicu. Ich stan nie ŭdakładniajecca.