Turkmienskaha studenta, jaki parušyŭ praviły darožnaha ruchu, pakazalna vysłali ź Biełarusi, zapałochvajučy astatnich
U dačynieńni da hramadzianina Turkmienistana, jaki raniej parušyŭ praviły darožnaha ruchu, było pryniata rašeńnie ab jaho vysyłcy ź Biełarusi na adzin hod. Chłopiec kiravaŭ aŭtamabilem biez paśviedčańnia kiroŭcy. Rašeńnie ab vysyłcy ahučyli publična va ŭniviersitecie, sabraŭšy cełuju aŭdytoryju inšych zamiežnych studentaŭ.
Turkmienski hramadzianin, jakoha vysłali, raniej vučyŭsia ŭ Bresckim dziaržaŭnym univiersitecie, žyŭ u Breście, mieŭ siamju i dazvoł na žycharstva.
Rašeńnie ab vysyłcy ahučyli publična ŭ ścienach univiersiteta z «vychavaŭčymi metami», kab «pakazać inšym zamiežnym studentam, da čaho moža pryvieści parušeńnie zakona».
Padčas pakazalnaha mierapryjemstva siłaviki padkreślivali, što dla inšaziemcaŭ u Biełarusi, maŭlaŭ, stvorany dobryja ŭmovy dla žyćcia, pracy i navučańnia, ale nieabchodna stroha vykonvać zakony.
Niekalkim studentam daviałosia dać pad zapis dla cytavańnia siłavikami niekalki chvalebnych vykazvańniaŭ pra Biełaruś i jaje paradki.
Praktyka padobnych publična-pakazalnych sudoŭ apošnim časam u Biełarusi nie redkaja, adno što tolki zvyčajna jana tyčycca biełaruskich hramadzian.
Čytajcie taksama:
Adkul u Biełaruś jedzie bolš za ŭsio hastarbajtaraŭ? Top-20 krain — i Pakistana tut pakul niama
U bresckim kaledžy praviali pakazalny sud nad mužčynam pa palityčnym artykule
Biełaruskija i rasijskija jutub-kanały centralizavana baniać niaŭhodnych kamientataraŭ