U Biełarusi adnaŭlajuć papulacyju čyrvanaknižnaj kumžy

Biełaruskija navukoŭcy adnaŭlajuć papulacyju redkaj ryby kumžy, jakaja zaniesiena ŭ Čyrvonuju knihu. Pra heta paviedamiŭ 21 maja namieśnik hiendyrektara pa navukovaj inavacyjnaj pracy Navukova-praktyčnaha centra NAN pa bijaresursach Pavieł Hieštaŭt, piša ahienctva «Minsk-Naviny».

Kumža

Kumža — heta łasosievaja ryba, jakaja prychodzić u biełaruskija reki na nierast. Kab pavialičyć jaje kolkaść, vučonyja vypuścili kala 3000 padrosłych malkoŭ u čatyry ŭčastki raki Naračanki. Rybu vyhadavali ŭ rybnym hadavalniku «Skok» ź ikry, jakuju atrymali śpiecyjalisty centra NAN.

Pavieł Hieštaŭt taksama nahadaŭ, što ŭžo kala dziesiaci hadoŭ u Biełaruś prychodzić na nierast i siomha. Takija miescy stroha achoŭvajucca dziaržavaj i vałanciorami. Łavić tam rybu zabaroniena: za parušeńnie pryrodaachoŭnaha zakanadaŭstva praduhledžanyja vialikija štrafy, a ŭ niekatorych vypadkach navat kryminalnaja adkaznaść.

Navukoviec padkreśliŭ, što da pryrody treba stavicca z pavahaj, bo jana — naša ahulnaja kaštoŭnaść. Kali ž kamu-niebudź vypadkova trapić na vudu redkaja rybina, lepš jaje adrazu vypuścić nazad u vadu.

Kamientary da artykuła