U Finlandyi płanujuć zabaranić biełarusam kuplać nieruchomaść

Jak paviedamlaje finskaje vydańnie Yle, Ministerstva abarony Finlandyi vystupiła ź inicyjatyvaj zabarony ździajśniać ździełki ź nieruchomaściu dla hramadzian Biełarusi.

Stalica Finlandyi Chielsinki. Fota: Wikimedia Commons

Takoje rašeńnie stała mahčymym paśla taho, jak parłamient krainy pryniaŭ zakon, jaki dazvalaje Ministerstvu abarony błakavać kuplu-prodaž nieruchomaści asobami abo arhanizacyjami z krain, što viaduć ahresiŭnuju vajnu ci ŭjaŭlajuć pahrozu biaśpiecy Finlandyi.

U viedamstvie padkreślili, što, pavodle rašeńniaŭ Rady ES i infarmacyi finskich uładaŭ, pad hetyja kryteryi padpadajuć jak Rasija, tak i Biełaruś.

Zajavy ad hramadzian Rasii i Biełarusi, padadzienyja da taho, jak pastanova ŭstupić u siłu, buduć razhladacca pa ahulnych praviłach.

Prajekt dakumienta apublikavany siońnia, 23 maja, dla hramadskaha abmierkavańnia. Kamientary prymajucca da 9 červienia, a kančatkovaje rašeńnie miarkujecca pryniać u červieni.

Raniej, jašče da źmieny zakona, Ministerstva abarony mahło zabaranić prodaž nieruchomaści rasijanam, kali heta ŭjaŭlała pahrozu nacyjanalnaj biaśpiecy, ale tolki ŭ kožnym asobnym vypadku.

Kamientary da artykuła