«Mahčyma, jana źbiehła ad kachanka, ci jon jaje zabiŭ, ci jana ŭ Biełarusi». Aŭtar rasśledavańnia pra Anžaliku Mielnikavu
Cimur Aleŭski, šef-redaktar «The Insider» i adzin z suaŭtaraŭ rasśledavańnia «Anžalika i tajny ahient. Jak kachańnie pahubiła śpikiera biełaruskaj apazicyi»ličyć, što Mielnikava moža chavacca jak ad polskich, tak i ad biełaruskich śpiecsłužbaŭ. Padrabiazna pra novaje rasśledavańnie The Insider žurnalisty «Biełsata» pahutaryli ź Cimuram Aleŭskim.
Fota: Kaardynacyjnaja rada
— Samaje dziŭnaje, što jość čałaviek, jaki viedaje adkazy na ŭsie pytańni, — kaža Cimur Aleŭski. — Možna ŭziać telefon, pazvanić mamie Anžaliki Mielnikavaj i kali b jana nie była pad asablivym nahladam, napeŭna, jana b lohka mahła b patłumačyć, što adbyłosia ź jaje dačkoju ci zastupiłasia za jaje. Zdavałasia b, heta tak lohka, ale vyhladaje, što jana nie moža heta zrabić.
«My razumiejem, što ŭ spravie jość realnaja śviedka, ale pry hetym my ŭściaž nie razumiejem matyvy Anžaliki Mielnikavaj. Kožnaje naša novaje rasśledavańnie źmianšaje kolkaść viersij, a viersij ža moža być vielmi šmat: naprykład, Mielnikava pracavała na kahości, kamu byŭ asabliva niepryjazny Pavieł Łatuška, ci jana pracavała na trecija śpiecsłužby, ci jana prosta zakachałasia i nie viedała, chto hety Alaksiej Łabiejeŭ, jaki atrymaŭ adpaviednuju padrychtoŭku, kab uvachodzić u davier da ludziej.
Mahčyma, jon prymusiŭ jaje zrabić niešta, ad čaho joj nie było šlachu nazad. Mahčyma, jana źbiehła ad jaho, ci jon jaje zabiŭ, ci jana ŭ Biełarusi… My nie viedajem adkazaŭ na hetyja pytańni. Ale my ŭsio bolš daznajemsia pra jaje žyćcio ŭ apošnija miesiacy da źniknieńnia», — kaža Cimur Aleŭski.
Čytajcie taksama:
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia
Azaraŭ: Kachanak Mielnikavaj braŭ udzieł u pravakacyi z Azaronkam i byŭ uznaharodžany