Dron skinuŭ jomistaść z farbaj na pasolstva Rasii ŭ Šviecyi
Heta nie pieršy taki vypadak.
Fota: Radyjo Svaboda
Dron skinuŭ u niadzielu ranicaj jomistaść z farbaj na terytoryju pasolstva Rasii ŭ Šviecyi. Pra heta paviedamlaje telehram-kanał pasolstva.
«Pralacieŭšy nad terytoryjaj dyppradstaŭnictva, bieśpiłotnik skinuŭ jomistaść z farbaj na placoŭku pierad hałoŭnym uvachodam. Asablivy cynizm incydentu nadaje toje, što apieratarami drona była vykarystana šklanaja jomistaść, jakaja pry skidzie z vyšyni zdolnaja nanieści ciažkija kalectvy ludziam», — havorycca ŭ paviedamleńni.
U paviedamleńni adznačajecca, što takoje adbyvajecca ŭžo nie ŭpieršyniu, i što adkaznaść za padobnyja incydenty budzie lažać na ŭładach Šviecyi.
Aficyjny pradstaŭnik Ministerstva zamiežnych spraŭ Rasijskaj Fiederacyi Maryja Zacharava paviedamiła, što ŭ paniadziełak šviedski bok atrymaje notu pratestu, i zajaviła, što «Šviecyja abaviazanaja ŭtajmavać svaich ultras».
Apošni anałahičny vypadak adbyŭsia 15 krasavika. Tady ŭ paviedamleńni rasijskaha pasolstva adznačałasia, što heta ŭžo «adzinaccaty incydent padobnaha charaktaru», piša Rasijskaja słužba Radyjo Svaboda.