U Mininfarmie prapanavali Rasii abmieńvacca śpisami ekstremisckaj litaratury
Padčas plenarnaha pasiadžeńnia XX Sankt-Pieciarburhskaha mižnarodnaha knižnaha sałona namieśnik ministra infarmacyi Biełarusi Dzianis Jazierski zajaviŭ, što Biełarusi i Rasii varta abjadnać namahańni dla baraćby z raspaŭsiudžvańniem knih, jakija, na jahonuju dumku, mohuć akazvać niehatyŭny ŭpłyŭ na hramadstva, asabliva na dziaciej i moładź.
Fota ilustracyjnaje
Čynoŭnik padkreśliŭ, što krainy-sojuźnicy pavinny, maŭlaŭ, ciesna supracoŭničać u supraćstajańni idejnym apanientam i nie dapuskać źjaŭleńnia vydańniaŭ, što niasuć razburalny maralny, psichałahičny i kulturny ŭpłyŭ.
Pry hetym, pavodle słoŭ Dzianisa Jazierskaha, u Biełaruś časta traplajuć pierakładnyja knihi rasijskich vydaviectvaŭ, źmiest jakich «supiarečyć metam duchoŭna-maralnaha vychavańnia».
Jak adzin z varyjantaŭ rašeńnia hetaj prablemy Jazierski prapanavaŭ arhanizavać uzajemny abmien śpisami ekstremisckaj litaratury pamiž dźviuma krainami.
Čytajcie taksama:
Knihi Daškieviča i Navumčyka dadali ŭ śpis «ekstremisckich»
Abjavili «ekstremisckimi» kanał pra biełaruskaje kino i knihi Šybieki dy Dzieružynskaha
Knihi Ihara Mielnikava trapili ŭ śpis ekstremisckich materyjałaŭ
Kniha pra ajčynnuju vajskovuju simvoliku «biełaruskaha Chuha Bosa» pryznana ekstremisckaj