У Мінінфарме прапанавалі Расіі абменьвацца спісамі экстрэмісцкай літаратуры
Падчас пленарнага пасяджэння XX Санкт-Пецярбургскага міжнароднага кніжнага салона намеснік міністра інфармацыі Беларусі Дзяніс Язерскі заявіў, што Беларусі і Расіі варта аб’яднаць намаганні для барацьбы з распаўсюджваннем кніг, якія, на ягоную думку, могуць аказваць негатыўны ўплыў на грамадства, асабліва на дзяцей і моладзь.
Фота ілюстрацыйнае
Чыноўнік падкрэсліў, што краіны-союзніцы павінны, маўляў, цесна супрацоўнічаць у супрацьстаянні ідэйным апанентам і не дапускаць з’яўлення выданняў, што нясуць разбуральны маральны, псіхалагічны і культурны ўплыў.
Пры гэтым, паводле слоў Дзяніса Язерскага, у Беларусь часта трапляюць перакладныя кнігі расійскіх выдавецтваў, змест якіх «супярэчыць мэтам духоўна-маральнага выхавання».
Як адзін з варыянтаў рашэння гэтай праблемы Язерскі прапанаваў арганізаваць узаемны абмен спісамі экстрэмісцкай літаратуры паміж дзвюма краінамі.
Чытайце таксама:
Кнігі Дашкевіча і Навумчыка дадалі ў спіс «экстрэмісцкіх»
Аб'явілі «экстрэмісцкімі» канал пра беларускае кіно і кнігі Шыбекі ды Дзеружынскага
Кнігі Ігара Мельнікава трапілі ў спіс экстрэмісцкіх матэрыялаў
Кніга пра айчынную вайсковую сімволіку «беларускага Хуга Боса» прызнана экстрэмісцкай