Jakija pradmiety stali samymi papularnymi na CT u paniadziełak
U paniadziełak u Biełarusi prajšło centralizavanaje teściravańnie (CT) pa pradmietach pa vybary. Zdavać jaho mahli tyja, chto zaviaršyŭ navučańnie ŭ škole ŭ papiarednija hady, a taksama vypuskniki kaledžaŭ (nie błytać z centralizavanym ekzamienam).
Na CT zarehistravalisia 9 188 abituryjentaŭ. Sioleta kolkaść žadajučych zdavać CT akazałasia ŭ 1,2 raza bolšaj, čym u 2024 hodzie, paviedamlaje Minadukacyi.
Praŭda, u vyniku z hetaha liku 1 176 čałaviek nie źjavilisia pisać testy (heta 12,8%), a adnaho abituryjenta vydalili z vyprabavańnia za vykarystańnie mabilnaha telefona.
Voś jak vyhladaje trojka samych papularnych pradmietaŭ:
- matematyka (24,3%);
- anhlijskaja mova (22,2%);
- historyja Biełarusi (13,4%).
CE pa biełaruskaj abo ruskaj movie adzinaccacikłaśniki napišuć u čaćvier, 29 maja. U hety ž dzień zapłanavana CT pa movach dla vypusknikoŭ kaledžaŭ i minułych hadoŭ.