Pamiž Połackam i Navapołackam abvaliłasia daroha — ruch całkam pierakryty
Pamiž Połackam i Navapołackam, kala nasielenaha punkta Ekimań adbyłosia abvalvańnie darožnaha pakryćcia. Pavodle paviedamleńnia DAI Viciebskaj vobłaści, incydent zdaryŭsia niepadalok ad balnicy Ksty. Učastak darohi całkam pierakryty, ciapier viaducca raboty pa likvidacyi nastupstvaŭ abvału.
Pryčyny zdareńnia pakul nie nazyvajucca, ale adznačajecca, što na Viciebščynie ciapier idzie «siezon daždžoŭ» — za sutki vypała amal miesiačnaja norma apadkaŭ.
Abjezd pierakrytaha ŭčastka arhanizavany praz tak zvanuju «chlebazavodskuju» darohu (N-16303).
Źmienienyja i maršruty hramadskaha transpartu:
- Maršrut №5 z Navapołacka budzie jechać da vioski Ekimań, zatym pa vulicy Centralnaj praz katedžny pasiołak u Połack. Časovyja prypynki — «Ekimań», «Vilenskaja šaša», «HC «Maniež»;
- Maršruty №15 i №314 pry vyjeździe na darohu R-45 pojduć u bok Kstoŭ i pasiołka Vietryna, z časovym prypynkam na skryžavańni daroh i ŭ Ekimani.
Kiroŭcam rajać zahadzia płanavać svaje maršruty z ulikam abmiežavańniaŭ.
Čytajcie taksama:
Praz «pahrozu žyćciu i zdaroŭju hramadzian». U Minsku da kanca hoda pierakryjuć vulicu Haładzieda