Hramadstva33

Praŭładnaja błohierka z Barysava paprasiła padpisčykaŭ padzialicca prablemnymi pytańniami. I joj ich nakidali

Park patrebny, ale spačatku — prybiralni, daktary i aŭtobusy. Žychary Barysava raskazali pra realnyja, a nie pakaznyja prablemy horada. A błohierka, jakaja prapanavała sabrać pytańni dla «hałoŭnaha», naŭrad ci čakała, što narodny śpis atrymajecca takim doŭhim i złym, piša Ex-press.live.

Fota: edinstvo.by

Paśla taho jak u Barysavie abviaścili ab vydzialeńni 3 miljonaŭ rubloŭ na ŭparadkavańnie haradskoha parku, praŭładnaja błohierka vyrašyła padtrymać temu. Jana prapanavała padpisčykam raskazać pra nadzionnyja haradskija prablemy Barysava.

Pry hetym sama ličyć, što prablema numar adzin — heta park, u jaki nie moža pryvodzić svaich dziaciej. Błohierka paabiacała danieści prablemy «našamu hałoŭnamu» i atrymać adkazy.

«Pišycie ŭsie svaje dumki i idei, chutka ŭsio ŭbačycie, usie adkazy našaha hałoŭnaha», — paabiacała jana.

@koshka.beauty #riek #riekomiendacii #borisov #biełaruś #biełorusskijtiktok #błohieryrb #błohierborisov #podpišiś #b́jutibłohier ♬ orihinalnyj zvuk - ❤️ Katierina

Reakcyja barysaŭcaŭ akazałasia niečakana maštabnaj. Zamiest padtrymki temy parku žychary Barysava vykacili ceły śpis niavyrašanych pytańniaŭ, jakija, na ich dumku, kudy važniejšyja za pryhožyja alei.

Mnohija kamientatary sapraŭdy padtrymali ideju rekanstrukcyi parku, adznačajučy, što Barysavu daŭno nie chapaje zony adpačynku z atrakcyjonami. Adnak razam z hetym hučali i skieptyčnyja hałasy — niekatoryja adkryta nazvali park «hańbaj horada».

Haradskija prybiralni — adna z samych vostrych tem

Siarod kamientaroŭ asabliva časta ŭzdymałasia tema adsutnaści hramadskich prybiralniaŭ u centry, na praśpiekcie i ŭ samim parku:

«U horadzie niama nivodnaj hramadskaj prybiralni, navat płatnaj».

«Chaciełasia b schadzić u čystuju, zručnuju prybiralniu, a nijakaj naohuł niama».

«Čamu ŭ Starym horadzie tualetaŭ niama, usio začyniena?»

Skryn kamienaroŭ u tyktoku

Prablemy daroh, tratuaraŭ i transpartu

Ludzi skardziacca na:

  • adsutnaść narmalnych daroh u pryvatnym siektary (vulicy Maładziožnaja, Čkałava, Dymki);
  • tratuary, jakija niemahčyma prajści nočču z-za adsutnaści aśviatleńnia;
  • redkija rejsy aŭtobusaŭ, asabliva ŭ stary horad i ŭ vychadnyja;
  • niedachop tratuaraŭ i viełaściežak pamiž Barysavam i Žodzinam.

Achova zdaroŭja i apteki

Haradžanie ŭźniali pytańni dastupnaści miedycyny:

«U 4-j paliklinicy trapić da traŭmatołaha abo nieŭrołaha — treba ŭstavać a 5-j ranicy. Nam patrebna jašče adna paliklinika».

«Na Čyrvonaarmiejskaj daŭno nie pracuje krama, nie chodziać aŭtobusy i maršrutki. Da prypynku iści chvilin 20 pa žvirovaj darozie z kamianiami, ad jakoj abutak imhnienna psujecca i nohi stamlajucca».

«Niama aptek u vielizarnych rajonach — Panfiłava, Maksimava, Torfbałota».

«Infiekcyjnaja balnica — heta žach. Lažała z dačkoj paru tydniaŭ tamu — nie pieradać słovami, jaki tam kašmar. Para zrabić kapitalny ramont, a nie pierakładać darohi i sadžać tui».

«Chočacca, kab piataja paliklinika była ŭkamplektavanaja daktarami».

Skryn kamientaroŭ u tyktoku

Sacyjalnyja prablemy i pytańni biaśpieki

«Rajon Zaliniejny — voś heta treš. Nivodnaha adździaleńnia banka, niama aptek, para saŭdepaŭskich kram, a transpart — heta naohuł asobny treš. Ale nichto ničoha nie robić i rabić nie budzie, heta prosta razmovy».

«Vychavańnie padletkaŭ? Prypynki novyja, a ŭžo raźbityja».

«Niama prytułkaŭ dla biazdomnych žyvioł, zhublenych niama kudy padzieć».

«Lifty, padjezdy brudnyja, śmiećcie nie vyvozicca».

«Dzie dyskateki? Dzie miescy dla dziaciej i moładzi? U horadzie dla ich ničoha niama».

Stary horad — asobny bol

Žychary staroj častki horada pieražyvajuć:

  • adnosna zakrytaj kniharni;
  • niama dzie hulać ź dziećmi;
  • adnosna zakinutych dvaroŭ i fasadaŭ, jakija 20 hadoŭ nie farbujucca;
  • adnosna stychijnaha śmietnika la pomnika achviaram Barysaŭskaha hieta i vakoł vakzała.

«I što źmienicca?»

Mnohija kamientatary pastavilisia da sproby błohierki sabrać pytańni ź ironijaj:

«Zanadta šmat błohieraŭ raźviałosia».

«Vy chto takaja, kab vyrašać pytańni?»

«My atrymajem adkazy — i što dalej?»

«Nie treba ničoha mianiać. Navat Puhačovaj z Hałkinym Barysaŭ spadabaŭsia».

I heta jašče nie ŭsio…

Pa reakcyi barysaŭcaŭ vidać: ich štodzionnaje žyćcio poŭnaje niavyrašanych bazavych pytańniaŭ — ad prybiralni da aŭtobusa. I kali zamiest kompleksnaha padychodu akcent robicca na adnu vitrynnuju zonu adpačynku, heta vyklikaje razdražnieńnie.

Park patrebny. Ale žychary Barysava chočuć nie tolki park.

Kamientary3

  • Ups
    16.05.2025
    [Red. vydalena]
  • )
    17.05.2025
    Niama prybiralniaŭ?! Ŭ Polščy, ŭ tym ža Biełastoku, kuča handlovych sietak i ŭ kožnaj prybiralnia biez kaštoŭnaja. Heta nie kažučy pra restarany, kafeški, Makdonalsy i hd. Navošta hety saviecki ahratržš ź niejkaj tam asobnaj prybiralniaj kali na dvare 21 stahodzie i što jakasny servis sam i jakasna vyrašaje hetyja pytańni. Ale to ŭ kapitalistyčnaj Polščy. Tam i vodu možna na vulicy z kałonki nabrać ŭ śpiakotu, znoŭ biezkaštoŭna. Ŭsio dla ludziej. A voś ŭ savieckaj Biełoruśsii pry hetym režymu, kałonki z vadoju ŭsie źniščyli, bo nie dla ludziej. Prybiralni pry kafe i restaranach začynienyja, a ŭ tym ža Barysavie jašče i płatny ŭvachod u prybiralniu u niekatorych handlovych sietkach. U tym ža Homieli čynoŭniki pad nie pracujučuju prybiralniu raśpilili dva miljony dalaraŭ (chacia za hetyja hrošy možna było b dobruju sietku handlu adčynić z pryjiralniami i parkoŭkami). Ale to lepš ŭ Polščy, a nie ŭ Biełarusi. I usio tamu što ŭ bssr ŭsio vakoł nie ad ludziej i nie dla ludziej.
  • Imia
    18.05.2025
    ), u turystyčnych zonach treba asobnyja prybiralni, i ŭ toj ža Polščy jany jeść. Płatnyja, biaspłatnyja - heta ŭžo nie tak pryncypova, jak atrymajecca. Niama čaho zvalvać prablemu na restarany, vam ža pieršamu nie spadabajecca siadzieć u kaviarni, praź jakuju studenty z tupatam biehajuć sikać.

Ciapier čytajuć

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju7

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju

Usie naviny →
Usie naviny

«Nie chacieli pakutavać ź biełaruskimi kartami na Booking». A ŭ vyniku ledź nie trapili na 400 jeŭra4

Tramp zajaviŭ, što vystupić z važnaj zajavaj nakont Rasii4

Upieršyniu rasijskija vajskoŭcy zdalisia ŭ pałon robatam — navatarskaja apieracyja ŭkrainskaj šturmavoj bryhady7

Samaja darahaja sumačka ŭ śviecie. Sumku dla Džejn Birkin pradali za rekordnyja $10 miljonaŭ

Tramp pachvaliŭ prezidenta Libieryi za anhlijskuju, ale tam heta mova aficyjnaja2

Za adzin viečar try biełaruskija futbolnyja kłuby pieramahli supiernikaŭ z Armienii, Makiedonii i Čarnahoryi. Heta rekord7

U Homieli źjaviŭsia skvier Milicyi. Haradžan nie pytalisia navat farmalna4

Vialikabrytanija i Ukraina padpišuć histaryčnuju damovu ab pastaŭcy tysiač rakiet dla SPA

«Sa studzienia Rasija straciła 100 tysiač sałdat. Zabitymi. Nie ŭsiaho, a zabitymi»8

bolš čytanych navin
bolš łajkanych navin

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju7

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju

Hałoŭnaje
Usie naviny →

Zaŭvaha:

 

 

 

 

Zakryć Paviedamić