Urad dazvoliŭ zavozić u Biełaruś deficytnuju aharodninu z «niedružalubnych krain». Robiačy dobruju minu pry kiepskaj hulni
Biełaruski ŭrad svajoj pastanovaj №287 ad 27 maja 2025 hoda źniaŭ zabaronu na ŭvoz i realizacyju na terytoryi Respubliki Biełaruś bulby, repčataj cybuli, śviežaj biełakačannaj kapusty i jabłykaŭ, jakija pachodziać ź niedružalubnych krain, uklučajučy ŭsie dziaržavy — členy ES.
Fota ilustracyjnaje
Pry hetym u aficyjnym paviedamleńni pres-słužby ŭrada sprava padajecca tak, što hety krok zrobleny nie ad składanaj situacyi na ŭnutranym rynku, kali bazavaj dla biełarusaŭ aharodniny ŭ kramach ci niama, ci jość vielmi kiepskaj jakaści, a nibyta jak demanstracyja dobraj voli i miralubnaści.
Takim niečakanym čynam Biełaruś nibyta «adkazała na čarhovyja sankcyi ES». Jeŭrapiejski parłamient 22 maja 2025 hoda ŭchvaliŭ prajekt rašeńnia ab uviadzieńni pavyšanych mytnych pošlin na ŭvoz u ES sielskahaspadarčaj pradukcyi ź Biełarusi, a Biełaruś u adkaz na heta, maŭlaŭ, robić naadvarot i tym samym
«u čarhovy raz demanstruje adkrytaść, miralubnaść, pryncyp dobrasusiedstva i pa anałohii z rašeńniem ab biaźvizavym ujeździe ŭ našu krainu hramadzian šerahu dziaržaŭ, u tym liku krain ES, asłablaje abmiežavańni, uviedzienyja ŭ dačynieńni da sielskahaspadarčaj pradukcyi ź niedružalubnych krain».
Čytajcie taksama:
Łukašenka paskardziŭsia Pucinu, što ŭsiu biełaruskuju bulbu pradali ŭ Rasiju
Pucina na naradzie ździvili tym, što ŭ Biełarusi skončyłasia bulba
«Mordy kisłyja. Što z tvaram?» Prapahandyst Pustavy znoŭ raźjušany biełarusami
Što z cenami i vybaram bulby ŭ susiednich Polščy i Litvie
U MARH pryznalisia, što prablemy z cybulaj dla ich nie niečakanyja