U Biełarusi praciahvajecca deficyt jakasnaj bulby. Pacikavilisia, što pačym na rynkach i ŭ kramach u susiednich Polščy i Litvie.
Biełaruś zastałasia biez bulby
Viasna 2025 hoda zapomniłasia deficytam bulby, na jaki, paśla paviedamleńniaŭ ludziej u sacsietkach i niezaležnych miedyja, vymušany byli adreahavać prapahandysty, kantralujučyja orhany i Łukašenka.
U Biełarusi bulbu ŭ kramach pradajuć pa cenach ad 1,9 rubla za kiłahram, ale jakaść samaj tannaj bulby budzie nievysokaj.
«Je-dastaŭka» pradaje drobnuju mytuju bulbu pa 3,99 rubla za kiłahram. Bulba siarednich pamieraŭ fasavanaja pa 5 kh pradajecca za 4,99 rub/kh. Maładaja — pa 6,50 rub/kh.
Na rynkach u zaležnaści ad pamieru i stanu staruju bulbu pradajuć pa 3-4 rubli za kiłahram. Maładuju pa 6 rubloŭ.
U kramach znajści bulbu hodnaj jakaści dahetul niaprosta.
Litva
Biełarusy, jakija žyvuć u Litvie, śćviardžajuć, što prablem z bulbaj nie nazirali, dastatkovy vybar jość jak u sietkavych kramach, tak i na rynkach.
Ceny na bulbu ŭ Litvie pačynajucca z 25 jeŭracentaŭ (kala 85 kapiejek za kiłahram) za drobnuju bulbu.
Staraja bulba zvyčajnych pamieraŭ pradajecca ŭ kramie pa 65 jeŭracentaŭ za kiłahram (kala 2,2 rubla).
Fasavanaja — pa 1,09 jeŭra (kala 3,7 rubla) za kh, a mytaja fasavanaja — pa 1,19 jeŭra (kala 4 rubloŭ) za kh.
Na rynkach staraja bulba pradajecca pa 0,7—1 jeŭra (2,4—3,4 rubla).
Polšča
Biełarusy, jakija žyvuć u Polščy, taksama kažuć, što deficytu bulby ŭ ich nie było.
Ceny na bulbu ŭ Polščy pačynajucca ad 3 złotych (kala 2,4 rubla) za kiłahram pa akcyi.
Standartnaja cana kiłahrama bulby ŭ Polščy pačynajecca z 3,5 złotaha (kala 2,8 rubla).
Mytaja fasavanaja bulba pradajecca pa 4,5-5,5 złotaha (kala 3,6-4,4 rubla) za kiłahram. Śviežaja — kala 6,5 złotaha (kala 5,2 rubla) za kiłahram.
Ciapier čytajuć
Znojdziena cieła supracoŭnicy viciebskaj chimii — jaje šukali dva z pałovaj hady1
Kamientary