U červieni pa ŭsioj Biełarusi buduć ładzicca biaspłatnyja ekskursii

«Vandruj. Adčuj. Natchniajsia» — akcyja pad takoj nazvaj budzie prachodzić pa ŭsioj Biełarusi z 2 pa 8 červienia 2025 hoda. Udzielničać buduć muziei, kulturnyja centry, ustanovy adukacyi, ahrasiadziby, turystyčnyja kompleksy, ekałahičnyja parki — ahułam kala 800 roznych abjektaŭ. 

Pružanski pałacyk

Arhanizatary akcyi — Ministerstva sportu i turyzmu Respubliki Biełaruś i Nacyjanalnaje ahienctva pa turyźmie.

U pieryjad akcyi abjekty pa ŭsioj Biełarusi prapanujuć naviedvalnikam:

• biaspłatnyja ekskursii i kvesty;
• dni adčynienych dźviarej;
• majstar-kłasy;
• dehustacyi straŭ nacyjanalnaj kuchni;
• prezientacyi pasłuh i śpiecyjalnyja prapanovy.

Udzielniki akcyi abiacajuć bieźlič raznastajnych mierapryjemstvaŭ. Siarod ich najbolš cikavyja na dumku sajta Budzma.org:

3 červienia — biaspłatny ŭvachod u muziej i zbornaja biaspłatnaja ekskursija ŭ Domie-muziei Marka Šahała. Pačatak 14:00. A taksama biaspłatny ŭvachod u muziej i zbornaja biaspłatnaja ekskursija ŭ Art-centry Marka Šahała z 14.00;

4 červienia «Muziej-siadziba Pružanski pałacyk» ładzić biaspłatnuju ekskursiju (h. Pružany, vuł. Savieckaja, d. 50);

5 červienia «Homielski pałacava-parkavy ansambl» zaprašaje na biaspłatnyja ekskursii;

5 červienia filijał «Halšanski zamak» UK «Ašmianski krajaznaŭčy muziej imia F.K. Bahuševiča» zaprašaje na biaspłatnuju ekskursiju (pačatak 14:00 i 15:00), a 6 červienia na kvest-hulniu «Čorny zamak Alšanski» pavodle adnajmiennaha ramana Uładzimira Karatkieviča (pačatak 15:00);

5 červienia možna biaspłatna naviedać «Muziej biełaruskaha Paleśsia» (h. Pinsk, pł. Lenina, 22).

6 červienia filijał muzieja historyi biełaruskaj litaratury «Falvarak Rakucioŭščyna» zaprašaje biaspłatna naviedać muziej i paŭdzielničać u ekskursii;

z 3 pa 8 červienia Dziaržaŭny litaraturny muziej Janki Kupały zaprašaje naviedać biaspłatna filijał muzieja «Akopy».

U hetyja dni ŭvachod na ekspazicyju volny.

Padrabiazny pieralik abjektaŭ, jakija ŭdzielničajuć u akcyi, možna spampavać ci aznajomicca ź im tut. U tablicy jość mahčymaść adsartavać abjekty pa vobłaści, typie arhanizacyi.

Kab trapić na ekskursii ci inšyja mierapryjemstvy, treba abaviazkova papiarednie zapisacca pa telefonach, jakija ŭkazany nasuprać kožnaha ŭdzielnika akcyi ŭsio ŭ toj ža tablicy.

Kamientary da artykuła