Pamiatny kamień, pastaŭleny ŭ Horackim rajonie Mahiloŭskaj vobłaści, zastaŭsia biez šyldy.
Jaje adsutnaść zaŭvažyli čytačy vydańnia Reform.news.
Pamiatny kamień kiraŭniku paŭstańnia 1794 hoda Tadevušu Kaściušku paŭstaŭ pierad naviedvalnikami miaścinaŭ biez šyldy. «Ci prybrali, ci nie ŭznavili, chacia bačna, što pomniki pobač pryvodzili ŭ paradak», — kanstatavali čytačy.
Jak vyhladaŭ kamień da hetaha i što dakładna było napisana na šyldzie, nieviadoma. Najbolš vierahodna, što imia Kaściuški na kamieni zhadvałasia ŭ suviazi z padziejami časoŭ vajny.
Da druhoj pałovy XX stahodździa vioska Kaściuškava nazyvałasia Tryhubava. U XVII stahodździ ŭvachodziła ŭ skład majontka Ramanava Aršanskaha pavieta Viciebskaha vajavodstva VKŁ.
U čas Druhoj suśvietnaj vajny vioska ŭ 1943 hodzie była spalena nacystami. Tryhubava było vyzvalena ŭ kastryčniku taho ž hoda ŭ vyniku nastupu 1-j polskaj piachotnaj dyvizii imia Tadevuša Kaściuški, jakaja była sfarmiravanaja savieckimi ŭładami z polskich hramadzian i etničnych palakaŭ.
Namieśnik kamandzira bataljona kapitan Uładzisłaŭ Vysocki, jaki 12 kastryčnika 1943 hoda kiravaŭ u bajach pad Lenina nastupleńniem na adkaznym učastku, avałodaŭ apornym punktam supraciŭleńnia praciŭnika i ŭkliniŭsia ŭ druhuju liniju varožaj abarony kala vioski Tryhubava, paśmiarotna atrymaŭ zvańnie Hieroja Savieckaha Sajuza.
U susiednim Leninie ŭ 1968 hodzie stvorany vialiki Muziej saviecka-polskaj bajavoj sadružnaści. U 1969 hodzie vioska Tryhubava była pierajmienavanaja ŭ Kaściuškava.
Takim čynam savieckija ŭłady ŭskosna spryčynilisia da ŭšanavańnia na Mahiloŭščynie imia Tadevuša Kaściuški, nacyjanalnaha hieroja Biełarusi, Polščy i ZŠA, hienierał-majora armii Rečy Paspalitaj, jaki zmahaŭsia suprać Rasijskaj impieryi.
Ciapier čytajuć
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam20
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary
chto ž ja jość, jak nie litvin, ziamlak vaš, vami abrany?»
Tadevuš Kaściuška
Nie toje vy škadujecie: šyldu z kamieńnia. Škadujcie ab źniknieńni vašaje dziaržavy Litvy, ab tym, što vy vyraklisia imia svajho narodu, ab stahodździach biełaruščyny škadujcie, ab stračanaj voli dy niezaležnaści.
Škadujcie, płačcie, vyjcie, bo zmahacca dy viernuć stračanaje, vy niazdolnyja.