Biełarus pryjechaŭ z Polščy abnavić pašpart, a staŭ fihurantam kryminalnaj spravy z zabaronaj na vyjezd. I pytańnie nie ŭ palitycy
Na miažy ŭ aŭtobusie, jaki jechaŭ z Polščy ŭ Biełaruś, nibyta byli znojdzieny narkotyki.
Biełarus, jaki maje pastajannaje miesca žycharstva ŭ Polščy, vyrašyŭ naviedać radzimu, kab abnavić svoj pašpart. Paśla pakupki bileta i pasadki ŭ mižnarodny aŭtobus jon staŭ fihurantam kryminalnaj spravy. Na miažy ŭ aŭtobusie, jaki jechaŭ z Polščy ŭ Biełaruś, nibyta byli znojdzieny narkotyki, piša express.live.
Papiaredniaja infarmacyja śviedčyć, što supracoŭniki pahraničnaha kamiteta i milicyi pierapisali danyja ŭsich pasažyraŭ. Kožny ź ich ciapier prachodzić jak śviedka i adnačasova padazravany pa kryminalnaj spravie.
Mužčyna, ź jakim parazmaŭlali žurnalisty, da hetaha času znachodzicca ŭ Biełarusi i nie moža viarnucca ŭ Polšču.
— Nie viedaju, ci sapraŭdy byli ŭ aŭtobusie narkotyki. Ale miarkujučy pa tym, što adbyvajecca, dopyty i «papieradžalnyja miery» mnie amal harantavany, — paviedamiŭ jon.
Pa jaho słovach, pryčynaj pajezdki stała zakančeńnie terminu dziejańnia biełaruskaha pašparta, jaki nieabchodny dla vykanańnia šerahu biurakratyčnych pracedur u Polščy.